Áleýmettik jelilerde qazaqstandyq mektepterde bolashaqta «LGBT damytý» jáne erte jynystyq aǵartý boiynsha sabaqtar ótkiziletini týraly aqparat taratylyp jatyr. Bul qaýesetti QR Bilim jáne ǵylym ministrligi joqqa shyǵardy, dep habarlaidy "Ult aqparat" Stopfake.kz saityna silteme jasap.
Vedomstvonyń habarlaýynsha, mundai jańashyldyqtardy mektep baǵdarlamasyna engizý máselesi qarastyrylyp jatqan joq.
– Áleýmettik jelilerde Qazaqstanda oqýshylarǵa arnalǵan «LGBT damytý» jáne erte jynystyq aǵartý boiynsha baǵdarlama ázirlenip jatqany týraly jalǵan aqparat taratylýda. Mundai aqparat shyndyqqa janaspaidy. Bul taǵy bir feik. Mundai taqyryptardy nasihattaý boiynsha qandai da bir oqý baǵdarlamalary men pánder joq jáne bolmaidy da. Balalardy patriotizmge, eńbeksúigishtikke, otbasylyq qundylyqtarǵa úiretetin qazaqstandyq muǵalimder mundai bastamalar kóteren joq, – dep habarlady BǴM baspasóz qyzmetinen.
Sondai-aq, vedomstvo ókilderi jalǵan aqparat taratqany úshin jaýapkershilik júkteletinin eske salyp, QR BǴM resmi paraqshalarynda jáne ministrlik saitynda jariialanatyn resmi málimetterge ǵana senýge shaqyrdy.
