Foto: Densaýlyq saqtaý vitse-ministri, memlekettik bas sanitar dáriger Aijan Esmaǵambetova Qazaqstanda qyzylshadan eki bala kóz jumǵanyn aitty, dep habarlaidy Kazinform agenttigi.
«Qyzylsha aýrýynan 2 bala ólimi tirkeldi. Olar – 1 jasqa deiingi balalar, iaǵni qyzylshaǵa qarsy ekpe alý jasyna tolmaǵan. Bul oqiǵalar Astana men Shyǵys Qazaqstan oblysynda boldy.
Bir bala shala týǵan. Onyń buǵan deiin basqa da ilespe aýrýlary bolǵan. Keiin ol qyzylsha juqtyrǵan», - dedi Esmaǵambetova Senattyń jalpy otyrysynan keiin tilshiler suraǵyna jaýap berip.
Bas sanitar dárigerdiń aitýynsha, elimizde taǵy 15 balanyń jaǵdaiy aýyr.
Aita keteiik, elimizde qyzylsha infektsiiasynyń taralýyna qarsy jappai immýndaý júrip jatyr. Búginde qosymsha vaktsinalaýǵa jatatyn 1,5 mln adamnyń 608 myńnan astamy egildi, qamtý 40,5% qurady.
Qyzylshaǵa qarsy josparly vaktsinalaý da jalǵasyp jatyr. Máselen, jyl saiyn 1 jáne 6 jastaǵy 700 myńǵa jýyq bala egiledi (DDU usynǵan keminde 87,1% kezinde 1 jastaǵy balalardyń 94,1% jáne 6 jastaǵy balalardyń 93,4% qamtyldy).
