فوتو: دەنساۋلىق ساقتاۋ ۆيتسە-مينيسترٸ, مەملەكەتتٸك باس سانيتار دەرٸگەر ايجان ەسماعامبەتوۆا قازاقستاندا قىزىلشادان ەكٸ بالا كٶز جۇمعانىن ايتتى, دەپ حابارلايدى Kazinform اگەنتتٸگٸ.
«قىزىلشا اۋرۋىنان 2 بالا ٶلٸمٸ تٸركەلدٸ. ولار – 1 جاسقا دەيٸنگٸ بالالار, ياعني قىزىلشاعا قارسى ەكپە الۋ جاسىنا تولماعان. بۇل وقيعالار استانا مەن شىعىس قازاقستان وبلىسىندا بولدى.
بٸر بالا شالا تۋعان. ونىڭ بۇعان دەيٸن باسقا دا ٸلەسپە اۋرۋلارى بولعان. كەيٸن ول قىزىلشا جۇقتىرعان», - دەدٸ ەسماعامبەتوۆا سەناتتىڭ جالپى وتىرىسىنان كەيٸن تٸلشٸلەر سۇراعىنا جاۋاپ بەرٸپ.
باس سانيتار دەرٸگەردٸڭ ايتۋىنشا, ەلٸمٸزدە تاعى 15 بالانىڭ جاعدايى اۋىر.
ايتا كەتەيٸك, ەلٸمٸزدە قىزىلشا ينفەكتسيياسىنىڭ تارالۋىنا قارسى جاپپاي يممۋنداۋ جٷرٸپ جاتىر. بٷگٸندە قوسىمشا ۆاكتسينالاۋعا جاتاتىن 1,5 ملن ادامنىڭ 608 مىڭنان استامى ەگٸلدٸ, قامتۋ 40,5% قۇرادى.
قىزىلشاعا قارسى جوسپارلى ۆاكتسينالاۋ دا جالعاسىپ جاتىر. مەسەلەن, جىل سايىن 1 جەنە 6 جاستاعى 700 مىڭعا جۋىق بالا ەگٸلەدٸ (ددۇ ۇسىنعان كەمٸندە 87,1% كەزٸندە 1 جاستاعى بالالاردىڭ 94,1% جەنە 6 جاستاعى بالالاردىڭ 93,4% قامتىلدى).
