Koronavirýsqa qarsy vaktsinany saldyrǵan adamdarda qandai da bir aýrýdyń asqyný belgileri baiqalǵan joq. QR DSM Qoǵamdyq densaýlyq saqtaý ulttyq ortalyǵynyń sanitariialyq-epidemiologiialyq saraptama jáne monitoring ǵylymi praktikalyq ortalyǵynyń dáriger-epidemiology, sarapshy Lena Qasabekova osylai dedi, dep habarlaidy QazAqparat.
«Búgingi kúni álemde koronavirýs infektsiiasyna qarsy 200-ge tarta vaktsina jasalyp jatyr. Onyń ishinde alty vaktsina qoldanysqa enip ketti. Sonyń ishinde Qazaqstan TMD elderi ishinde alǵashqy elderdiń biri bolyp koronavirýs infektsiiasyna qarsy ekpeni bastap ketti. Árine, búgingi tańda bárimiz kórip-bilip otyrǵandai indetpen kúrestiń birden bir tiimdi joly – vaktsinalaý ekenin búkil álem moiyndap otyr. Sondyqtan meditsina qyzmetkerlerine birinshi bolyp vaktsina egý bastaldy. Aqpan aiynan bastap egilgenderdiń sany 14 myńǵa jýyq bolyp otyr. Adamdardyń arasynda vaktsinadan keiin asa bir aýyr asqyný belgileri baiqalǵan joq», - dedi Lena Qasabekova Ortalyq kommýnikatsiialar qyzmetiniń alańynda ótip jatqan baspasóz máslihatynda.
Onyń aitýynsha, vaktsinadan keiin kútiletin reaktsiialar bolady.
«Ekpe salǵan orynda qyzarý, aýyrsyný belgileri bolady. Qyzýdyń kóterilýi, qysqa ýaqytqa arteriialyq qysymnyń joǵarylaýy baiqalady. Biraq bul belgilerdiń bári de eshqandai meditsinalyq kómekti qajet etpedi», - dedi ol.
Qazaqstanda meditsina qyzmetkerleri birinshi bolyp vaktsinany qabyldap, elge úlgi kórsetip otyr.
