Qazaqstanda jumyssyzdyq azaidy: bir jyl ishinde jumyssyzdar sany 0,1% tómendedi, dep habarlaidy "Ult aqparat" finprom.kz saityna silteme jasap.
2019 jyldyń tórtinshi toqsanynda jumyspen qamtylǵandar sany 8,8 mln adamdy qurap, bir jylda 0,7% artty. Ótken jyldyń sáikes kezeńinde kórsetkish 8,7 mln adam boldy.
Eńbekke ornalastyrý boiynsha eń joǵary kórsetkish – elordada. Munda jyldyq ósim 9,2% qurap, 553,6 myń adamdy qurady. Atyraý oblysynda jumyspen qamtylǵandar sany 4,1%, Almatyda - 2,9% artty.
Eki qolǵa bir kúrek tapqandardyń basym bóligi kóterme jáne bólshek saýda sektorynda jumys isteidi; avtomobilderdi jáne mototsiklderdi jóndeý salasynda: 1,4 mln adam nemese jalpy kórsetkishtiń 16,3%. Kósh basyndaǵy salalardyń úshtigine aýyl, orman jáne balyq sharýashylyǵy (1,2 mln adam nemese 13,4%), bilim berý (1,1 mln adam nemese 12,7%) kirdi. Sondai-aq alǵashqy bestikke ónerkásip (1,1 mln adam) jáne qurylys (642,2 myń adam) salalary engen.
Eldegi jumyssyz halyq sany 441,4 myń adamdy qurap, 2018 jyldyń osy kezeńimen salystyrǵanda 0,1% (441,9 myń adam) azaiǵan. Soǵan qaramastan, Qazaqstanda jumyssyzdyq deńgeiiniń máni ózgerissiz qaldy - 4,8%.
Elektrondyq eńbek birjasynyń málimetteri boiynsha, eldegi eń tapshy mamandyqtar arasynda kúzetshi, qazandyq operatory, patrýldik inspektor, meditsina qyzmetkerleri (orta meditsina qyzmetkeri), tárbieshiler bar. Mamandar sany kóp mamandyqtarǵa zańger, jaldamaly mamandar, ekonomist, mal ósirýshi, qarjyger jatady.
Jumyssyzdardyń basym bóligi dástúrli túrde halyq kóp qonystanǵan óńirlerde baiqalady. Máselen, jumyssyz halyqtyń eń kóp sany Almatyda (jylyna 49,2 myń adam, +0,8%), sondai-aq Almaty oblysynda (48,2 myń adam) jáne Túrkistan (42,1 myń adam) oblystarynda. Sondai-aq bul tizimde Shyǵys Qazaqstan men Qaraǵandy oblystary (sáikesinshe 34,5 myń jáne 29,7 myń adam) bar. Jumyssyzdyqtyń joǵary deńgeii Túrkistan oblysy, Almaty men Shymkentte baiqalady - 5,1%.
