Qazaqstanda qutqarý qyzmetiniń qyzmetkerlerine 55 jastan zeinetke shyǵýyna múmkindik berilmek. Bul jaiynda Májilis depýtattarynyń resmi saýalyna QR Premer-Ministri Asqar Maminniń jaýabynda aitylǵan, dep habarlaidy "Ult aqparat".
Onyń atap ótýinshe, QR Úkimetiniń 2013 jylǵy 31 jeltoqsandaǵy №1562 qaýlysymen óndiristerdiń, jumystardyń, paidasyna mindetti kásiptik zeinetaqy jarnalaryn tóleý jónindegi agentter menshikti qarajaty esebinen mindetti kásiptik zeinetaqy jarnalaryn júzege asyratyn, eńbek jaǵdailary ziiandy jumystarmen ainalysatyn jumyskerler kásipteriniń tizbesi bekitilgen. Qazirgi ýaqytta atalǵan tizbege «qutqarýshy» kásibin qosý máselesin QR Ishki ister ministrligi Eńbek jáne halyqty áleýmettik qorǵaý ministrligimen birge bekitilgen tártippen qarastyryp jatyr.
«Atalǵan tizimge «qutqarýshy» kásibin qosý jumys berýshige menshikti qarajaty esebinen jalaqy qorynan 5 paiyz mólsherinde qutqarý qyzmeti qyzmetkerleriniń paidasyna mindetti kásiptik zeinetaqy jarnasyn tóleýge múmkindik beredi. Sonymen qatar olardyń zeinet annýiteti shartyn jasasý jolymen 55 jasta zeinetkerlikke merziminen buryn shyǵýyn qamtamasyz etedi», - dep atap ótken Úkimet basshysy.
