Qazaqstanda alǵash ret qurylys salý barysyndaǵy jikteýdiń jáne kodtaýdyń biryńǵai júiesi ázirlendi, dep habarlaidy "Ult aqparat".
Biryńǵai júie – qurylys obektisi týraly sandyq aqparatty basqarý men qurylymdaýdyń negizgi quraly.
«Bul júie – halyqaralyq standarttardyń talaptaryna sáikes qurylys aqparatyn biryńǵai tehnikalyq tilde júieleýge, basqarýǵa jáne almasýǵa múmkindik beretin belgileý júiesi. Ony ázirleýdi qurylys salasyna Qurylys obektilerin aqparattyq modeldeý tehnologiiasyn engizý sheńberinde Qazaq qurylys jáne sáýlet ǵylymi-zertteý jáne jobalaý institýtynyń mamandary júzege asyrdy. Aqparattyq modeldeý tehnologiiasy obektini qurý ideiasynan bastap ony iske asyrýmen aiaqtalatyn, qurylys obektisiniń ómirlik tsikliniń barlyq kezeńderinde aqparatty basqarýǵa múmkindik beredi», delingen habarlamada.
Qurylys obektisi tsikliniń túrli kezeńinde nysannyń aqparattyq modelin qurý kezinde, mamandar aldyńǵy nemese keiingi kezeńniń jikteý júiesine sáikes kelmeýi múmkin qurylys elementterin jikteýdiń ózindik júiesi bar ártúrli baǵdarlamalardy paidalanady. Sondyqtan qurylysqa qatysty aqparattyń bir bóligi bir kezeńnen ekinshisine aýysqan kezde ishinara nemese tolyǵymen joǵalýy múmkin. Biryńǵai júie osy máseleni joiýǵa baǵyttalady.
«Jalpy aitqanda, júiede 1 myńǵa jýyq sanat bar, bul ǵimarattyń qurylys obektisiniń ár elementin (shatyr, qabyrǵa, tóbe jáne jer ústi júiesi) tehnikalyq jáne fýnktsionaldyq maqsaty boiynsha jikteýge múmkindik beredi. Odan bólek, «QazQSǴZI« AQ mamandary oryndaityn jikteý júiesin baǵa belgileýde qoldanylatyn resýrstyq ádis jikteýishimen integratsiialaý, bolashaqta qurylys elementiniń tehnikalyq sipattamalaryn qundyq kórsetkishtermen bailanystyrýǵa jáne tiisinshe obektini modeldeý kezeńindegi sol tustaǵy qunyn aiqyndaýǵa múmkindik beredi», delingen habarlamada.
Baspasóz qyzmetiniń málimetinshe, biryńǵai jikteý júiesi halyqaralyq standarttar negizinde jasalǵan. Iaǵni bul sheteldik mamandardyń aqparattyq modelmen jumys isteýine múmkindik beredi.
Budan basqa, Qazaqstannyń qurylystaǵy jikteý jáne kodtaý júiesindegi tájiribesin TMD elderiniń mamandary paidalanady dep kózdelip otyr.
