Elimizde egiske beriletin sýdyń 28 paiyzyn kúrish alqaby alyp jatyr. 2030 jylǵa deiin Qyzylorda, Almaty jáne Túrkistan oblystarynda kúrish alqaptaryn 29 myń gektarǵa azaityp, nátijesinde jyl saiyn 1 shaqyrym tekshe metr sýdyń únemdeý kózdelip otyr. Osy másele boiynsha QazAqpart tilshisiniń saýalyna Ekologiia, geologiia jáne tabiǵi resýrstar ministriniń orynbasary Serik Qojaniiazov jaýap berdi.
«Búgingi tańda 3 oblystaǵy kúrish egisiniń jalpy aýdany 104 myń ga quraidy. Naqtyraq aitsaq, Qyzylorda oblysynda – 90 myń ga, Almaty oblysynda – 10 myń ga, Túrkistan oblysynda – 4 myń ga alqapqa kúrish egiledi. Osy 104 myń gektar alqapty sýarýǵa jyl saiyn 3,8 km3 sý jumsalady. Al Prezident Qasym-Jomart Toqaev Úkimetke 2030 jylǵa deiin sýarmaly jer kólemin 3 mln. ga deiin jetkizýdi tapsyrǵan.
«Júrgizilgen taldaý boiynsha kúrish alqaptarynyń 7% -y sýdyń jalpy kóleminiń 28%-yn tutynady. Olardyń aýdanyn az ylǵal sińiretin daqyldarmen almastyrý arqyly ońtailandyrǵan jón», - delingen vitse-ministrdiń jaýabynda.
Vedomstvonyń deregine súiensek, 2020 jyly 1,5 mln. ga alqapty sýarý úshin 13,3 km3 sý shyǵyndalǵan. Qazirgi sý tutyný balansyn ózgertpesek, 2030 jyly
3,0 mln ga alqapty býsandyrý úshin 26,7 mlrd. m3sý qajet bolady.
«Aýyl sharýashylyǵy úshin aǵymdaǵy qajettilik 15 km3 bolsa, 2030 jyly onyń ústine taǵy 11,7 km3 sý kerek bolady. Mundai kólem bizdiń ózenderdiń sýarý qabilettiliginen asyp túsedi. Osyǵan bailanysty sý tapshylyǵyn qysqartýǵa baǵyttalǵan sharalar qajet. Bizdiń ózenderdiń egistikterdi sýmen qamtamasyz etý múmkindigi 19,8 tekshe shaqyrymnan aspaidy. Osyǵan bailanysty, keleshekte 3 mln gektardy sýmen qamtamasyz etý úshin kúrish egisin qysqartý qajet», - deidi Serik Qojaniiazov.
Vedomstvodaǵylardyń aitýynsha, bul sharalar Syrdariia jáne Ile ózenderinen sý alý balansyn únemdirek rejimge kóshiredi. Iaǵni, 1 ga alqapqa jumsalatyn sýdyń kólemin qazirge 8,8 myń m3-ten 6,6 myń m3-ke qysqartýǵa múmkindik berýi múmkin.
