Qazaqstanda qurastyrylǵan kólikterdiń baǵasy nege qymbattap barady? Bul saýalǵan QR Indýstriia jáne infraqurylymdyq damý vitse-ministri Amaniiaz Erjanov jaýap berdi, dep habarlaidy "Ult aqparat".
«Bizde kólik qurastyrýdyń oqshaýlanýy 35-43 paiyzdy quraidy. Iaǵni, qazaqstandyq avtokomponentterdiń qoldanylý kórsetkishi tómen bolǵandyqtan baǵany turaqty ustai almai otyrmyz. Avtobólshekterdi shetelden importtaimyz. Sol sebepti kólik baǵasy tómendemei tur. Biraq, kólik quraldaryn qurastyrý kelisimine sáikes, oqshaýlanýdy 50 paiyzǵa jetkizgennen keiin baǵaǵa qatysty is-sharalar qoldana alatyn bolamyz. Sonda baǵa qalypqa keledi dep oilaimyz», - dedi Amaniiaz Erjanov Ortalyq kommýnikatsiialar qyzmetindegi baspasóz máslihaty barysynda.
Sonymen qatar vitse-ministr kólik qurastyrýdyń oqshaýlanýy 50 paiyzǵa jetken kezde otandyq avtomobilder baǵasynyń qansha paiyzǵa tómendeitindigi naryqqa bailanysty ekendigin basa aitty.
«Oqshaýlaný 50 paiyzǵa jetkende kólik baǵasy mynsha paiyzǵa arzandaidy dep aita almaimyn. Biraq, naryq suranysyna, shyǵarylǵan ár kólik modeliniń qosylǵan qunyna bailanysty baǵa tómendeýi múmkin dep esepteimiz», - dedi ol.
