Sinoptikter 27-29 aqpan aralyǵynda Qazaqstanda aýa raiy qandai bolatynyn aitty, dep habarlaidy "Ult aqparat" «Qazgidromet» RMK baspasóz qyzmetine silteme jasap.
Qys aiaqtalyp úlgermese de, Qazaqstanda kóktem óz ústemdigin ornatyp jatyr. Respýblikanyń barlyq aýmaǵynda aýa temperatýrasy klimattyq normadan 5...12°S joǵary bolady. Elimizdiń ońtústigi men ońtústik-batysynda qar jaýady.
Tsiklondar men antitsiklondar bir-birine tez aýysyp, sinoptikter olardy baqylaýǵa úlgermei otyr. Al olardyń tez aýysýy - kóktemgi protsesterdiń bastalýynyń negizgi belgisi.
Mine, aldaǵy úsh táýlikte Qazaqstan arqyly sýyq poliarlyq jáne arktikalyq fronttar úlken jyldamdyqpen ótedi, onyń artynan antitsiklon taraidy. Sodan keiin batys oblystarǵa Reseidiń eýropalyq bóliginen kezekti fronttar keledi.
Sondyqtan jańbyr jáne jylbysqy qar jaýady, artynsha kún ashylyp, kún raiy tez ózgeredi. Aýa temperatýrasy óte joǵary bolady.
