Qazaqstanda 15-17 naýryz kúnderi jaýyn-shashyn toqtap, kún jylyna bastaidy, dep habarlaidy "Ult aqparat" «Qazgidromet» RMK-ǵa silteme jasap.
«Qaraǵandy oblysyndaǵy biiktik tsiklony men oǵan bailanysty aýa aǵyndarynyń sebebinen ortalyq, soltústik jáne shyǵys oblystarda qar, ońtústikte qar aralas jańbyr jaýady. Biraq respýblikanyń batys oblystaryndaǵy sýyq antitsiklon jyljyp, onyń ornyna birte-birte tsiklon ornyǵa bastaidy», - delingen habarlamada.
Soltústik oblystarda 16-17 naýryz kúnderi, al ońtústikte 17 naýryzda jaýyn-shashyn toqtaidy, respýblika shyǵysy men ońtústik-shyǵysynda jaýyn-shashyn úsh kún boiy jalǵasady. Batys óńirlerde antitsiklonnyń shyǵysqa qarai jyljýynan kún jylynyp, jaýyn-shashyn bolady. Ótken táýlikterde túngi aýa temperatýrasy minýs 20...28° tóńireginde bolsa, 16 naýryzda minýs 5-10 gradýsqa deiin kóterile túsedi, al keibir jerlerde tipti 0°S ta bolady.
