Sinoptikter 12-14 maýsym kúnderine arnalǵan aýa raiy boljamyn jariia etti, - dep habarlaidy "Ult aqparat" "Qazgidromet" RMK ókilderine silteme jasap.
Sinoptikterdiń málimetinshe, aldaǵy kúnderi elimizde jańbyr jaýyp, naizaǵai turyp, turaqsyz aýa raiy saqtalady.
"Qazaqstan territoriiasyna aldaǵy úsh kúnde salqyn, dymqyl aýa túsetin bolady. Respýblikanyń basym bóliginde sonyń áserinen jańbyr jáne naizaǵaimen turaqsyz aýa raiy kútiledi. Naizaǵai bolǵan kezde kei jerlerde jeldiń ótkinshi daýyldyń kúsheiýi jáne burshaq jaýýy baiqalady. Ótken demalys kúnderimen salystyrǵanda, klimattyq normadan 1-4 gradýs tómen bolýy yqtimal", - dedi sinoptikter.
