QR Premer-Ministriniń birinshi orynbasary Álihan Smaiylovtyń tóraǵalyǵymen Qazaqstanda kriptoindýstriia men blokchein tehnologiialaryn damytý jónindegi jumys tobynyń kezekti otyrysy ótti, dep habarlaidy "Ult aqparat" Úkimet basshysynyń baspasóz qyzmetine silteme jasap
Otyrys aiasynda «Astana» halyqaralyq qarjy ortalyǵynyń (AHQO) alańynda kriptobirjalarǵa banktik qyzmet kórsetý boiynsha pilottyq jobany iske asyrýdyń keibir máseleleri qaraldy.
Jobany iske asyrý el biýdjetine qosymsha salyq túsimderin, jańa jumys oryndaryn qamtamasyz etedi, sondai-aq kriptovaliýta birjalarynyń qyzmetin retteý boiynsha ulttyq zańnamany jetildiredi jáne kriptovaliýta aǵynyn retteý úshin olardy meiilinshe ashyq etýdi kózdeidi.
Búgingi tańda Qazaqstannyń birqatar bankteri pilottyq jobaǵa qatysýǵa niet bildirdi. Kezdesý qorytyndysy boiynsha Á. Smaiylov ekinshi deńgeili banktermen ózara is-qimyl jasaý úshin AHQO-da kriptobirjalardyń jumys isteý qaǵidalaryn ázirleýdi jedeldetýdi tapsyrdy.
