قر پرەمەر-مينيسترٸنٸڭ بٸرٸنشٸ ورىنباسارى ەليحان سمايىلوۆتىڭ تٶراعالىعىمەن قازاقستاندا كريپتويندۋسترييا مەن بلوكچەين تەحنولوگييالارىن دامىتۋ جٶنٸندەگٸ جۇمىس توبىنىڭ كەزەكتٸ وتىرىسى ٶتتٸ, دەپ حابارلايدى "ۇلت اقپارات" ٷكٸمەت باسشىسىنىڭ باسپاسٶز قىزمەتٸنە سٸلتەمە جاساپ
وتىرىس اياسىندا «استانا» حالىقارالىق قارجى ورتالىعىنىڭ (احقو) الاڭىندا كريپتوبيرجالارعا بانكتٸك قىزمەت كٶرسەتۋ بويىنشا پيلوتتىق جوبانى ٸسكە اسىرۋدىڭ كەيبٸر مەسەلەلەرٸ قارالدى.
جوبانى ٸسكە اسىرۋ ەل بيۋدجەتٸنە قوسىمشا سالىق تٷسٸمدەرٸن, جاڭا جۇمىس ورىندارىن قامتاماسىز ەتەدٸ, سونداي-اق كريپتوۆاليۋتا بيرجالارىنىڭ قىزمەتٸن رەتتەۋ بويىنشا ۇلتتىق زاڭنامانى جەتٸلدٸرەدٸ جەنە كريپتوۆاليۋتا اعىنىن رەتتەۋ ٷشٸن ولاردى مەيٸلٸنشە اشىق ەتۋدٸ كٶزدەيدٸ.
بٷگٸنگٸ تاڭدا قازاقستاننىڭ بٸرقاتار بانكتەرٸ پيلوتتىق جوباعا قاتىسۋعا نيەت بٸلدٸردٸ. كەزدەسۋ قورىتىندىسى بويىنشا ە. سمايىلوۆ ەكٸنشٸ دەڭگەيلٸ بانكتەرمەن ٶزارا ٸس-قيمىل جاساۋ ٷشٸن احقو-دا كريپتوبيرجالاردىڭ جۇمىس ٸستەۋ قاعيدالارىن ەزٸرلەۋدٸ جەدەلدەتۋدٸ تاپسىردى.
