Qazaqstanda baspana satyp alýǵa beriletin kredittiń biryńǵai eń joǵary somasy bekitiledi, dep habarlaidy QazAqparat.
Mundai ózgeris taiaýda Memleket basshysynyń Jarlyǵymen bekitilgen «Qýatty óńirler – el damýynyń draiveri» ulttyq josparynda kózdelgen.
Atalǵan jobanyń bir baǵyty «Jaily turǵyn úi» mindetin sheshýge baǵyttalǵan.
Jobanyń júzege asyrylýyna jaýapty QR Indýstriia jáne infraqurylymdyq damý ministrliginiń baspasóz qyzmeti Memleket basshysy Qasym-Jomart Toqaevtyń osy jyldyń 1 qyrkúiegindegi Joldaýyna sáikes, júzege asyrylatyn jeńildikti ipotekalyq baǵdarlamalardyń biryńǵai sharty qarastyrylatyndyǵyn atap ótedi.
«Bul úshin Memlekettik josparlaý júiesine sáikes tujyrymdama qabyldanǵannan keiin bekitiletin erejeni ázirleý josparlanyp otyr. Kredit berýdiń biryńǵai eń joǵary somasy 15-18 mln teńge sheginde, aldyn ala turǵyn úi zaeminiń eń tómengi jarnasy 10 paiyz mólsherinde aiqyndalatyn bolady. Jeńildik baǵdarlamasyna qatysýshylar tizimi keńeitilip, eń tómengi kúnkóristiń shekti mólsheri ulǵaitylady», - dep atap ótedi vedomstvodan.
