Foto: elbasy.kz
Qazaqstanda eshqandai qos bilik joq. Bul týraly Májilis tóraǵasy Erlan Qoshanov málimdedi, dep habarlaidy "Ult aqparat".
"Qoǵamda "jańa jáne eski Qazaqstan arasynda kikiljiń bar" degen pikir júr. Buǵan burynǵy prezident Nazarbaevtyń Astanada kezdesý ótkizip, odan keiin Reseige Pýtinmen kezdesýge barýy sebep. Halyqtyń alańdaýyna negiz bar ma?", - dep surady jýrnalister Májilis kýlýarynda.
"Adamdardyń alańdaýyna esh negiz joq. Birinshiden, búginde elimizde eshqandai qos bilik joq, bolýy da múmkin emes. Búgingi kúni barlyq sheshimdi halyqtyń basym kópshiligi sailaǵan Memleket basshysy Qasym-Jomart Toqaev ózi qabyldap otyr.
Eń aldymen, burynǵy prezident memlekettik máseleler men memlekettik isterge aralaspaidy.
Ekinshiden, onyń ótkizgen kezdesýleri nemese is-sharalary, jasaǵan saparlary – azamat retinde jeke quqyqtaryn paidalanyp júzege asyratyn jeke sharalary men kezdesýleri", - dedi Qoshanov jýrnalister saýalyna jaýap berip.
Aita keteiik, eki apta buryn tuńǵysh prezident Nursultan Nazarbaev "Astana klýbynyń" jetinshi otyrysyna qatysty.
Sondai-aq jýyrda Nazarbaev Máskeýde Resei prezidenti Vladimir Pýtinmen kezdesken edi.
