QR IIM Ákimshilik politsiia komiteti tóraǵasynyń orynbasary Álibek Keńesbaev shetel nómirlerimen júrgen kólik júrgizýshilerine qatysty jaýapkershilikti kúsheitý sharalary týraly aityp berdi, dep habarlaidy QazAqparat.
«Shetelde tirkelgen kólikterge de aiyppul salynatyn bolady. Qazaqstan Kedendik Odaqtyń múshesi. Azamattar osy jaǵdaidy paidalanyp qalýǵa tyrysyp otyr. Iaǵni Reseiden, Qyrǵyzstannan, Belarýsten jáne Armeniiadan avtokólik tasymaldaý artty. Jyl basynan beri osy kólikterge qatysty 923 jol-kólik oqiǵasy tirkelip, apat saldarynan 58 adam mert bolyp, 314-i jaraqat aldy», - dedi Á. Keńesbaev Úkimet otyrysynan keiin tilshiler saýalyna jaýap bere otyryp.
Osy oraida ol Komitet jol erejesin óreskel buzý jaǵdailaryna qarsy qatań sharalardy qabyldaitynyn atap ótti.
«Biz Bas prokýratýramen, kredittik biýromen, Ulttyq bankpen kólik ielerin sáikestendirý boiynsha jumys júrgizdik. Zańnamaǵa sáikes, Qazaqstanǵa ýaqytsha kirgen kez kelgen kólik quraly mindetti saqtandyrýǵa jatady. Osy oraida saqtandyrý polisteri boiynsha málimetter banki bar, onda kólik ieleri men avtomobildi basqaryp júrgen azamattardyń aty-jóni tirkelgen. Sonymen qatar, onda kólikke qatysty málimetter, iaǵni markasy men memlekettik nómiri de bar. Endi kólik basqaryp júrgen adamdar jol erejesin buzsa, bul faktiler olardyń mekenjaiyna jiberiledi», - dedi ol.
Budan buryn habarlanǵandai, elimizdegi qyrǵyz, armian nómirli kólik ielerine aiyppul salyna bastaidy.
