Qazaqstanda koronavirýs indetinen taǵy 6 naýqas qaitys boldy, dep habarlaidy "Ult aqparat" coronavirus2020.kz saityna silteme jasap.
Atap aitsaq, Nur-Sultan qalasynda - 47, 59, 68 jáne 70 jastaǵy tórt er adam, Batys Qazaqstan oblysynda - 79 jastaǵy áiel, Qaraǵandy oblysynda - 67 jastaǵy er adam kóz jumdy.
«Ólim nátijelerin zertteý jónindegi komissiia bul jaǵdailardy koronavirýs infektsiiasynan bolǵan dep tirkeýge sheshim qabyldady», - delingen aqparatta.
Búginge deiin Qazaqstanda 13 319 adamnan koronavirýs anyqtaldy, onyń ishinde jazylǵandar sany - 8 345. 67 naýqas qaitys boldy.
