Qazaqstanda sońǵy aida koronavirýspen syrqattanýshylyq 2,8 esege tómendedi. Bul týraly Úkimet otyrysynda QR Densaýlyq saqtaý birinshi vitse-ministri Marat Shoranov aitty, dep habarlaidy QazAqparat.
«Álemde KVI-diń 261 mln astam jaǵdaiy tirkelgen, táýligine 300 myńnan astam jaǵdai tirkelýde. 5 millionnan astam adam qaitys boldy. Dúniejúzilik densaýlyq saqtaý uiymynyń Eýropalyq óńirinde syrqattanýdyń ósý tendentsiiasy áli de jalǵasýda. Respýblikada PTR testtiń oń nátijesimen koronavýrs infektsiiasynyń 971 541 jaǵdaiy, jáne PTR teris nátijesimen 82 550 jaǵdai tirkelgen, naýqastardyń 95%-dan astamy emdelip shyqty», - dedi birinshi vitse-ministr.
Onyń atap ótýinshe, respýblika boinsha virýstyń Reprodýktivtik sany 0,91 quraidy jáne tamyz aiymen salystyrǵanda 1,2 ese tómendeý baiqalady.
«Búgingi kúni «qyzyl» aimaqta Soltústik Qazaqstan oblysy qalyp otyr. 5 óńir – Qaraǵandy, Qostanai, Aqmola, Pavlodar jáne Nur-Sultan qalasy «sary» aimaqta tur. Qazaqstan Respýblikasy jáne qalǵan 11 «óńir» jasyl aimaqta ornalasqan. Jalpy Qazaqstanda sońǵy aida syrqattanýshylyq 2,8 esege, statsionarlyq naýqastar 1,5 esege, ambýlatoriialyq naýqastar 2,0 esege tómendedi», - dedi Marat Shoranov.
