Qazaqstanda kómir, shiki munai jáne tabiǵi gaz kenderiniń óndirisi tómendedi. Bul týraly QR Strategiialyq josparlaý jáne reformalar agenttigi Ulttyq statistika biýrosy habarlady, dep jazady QazAqparat.
«2021 jylǵy qańtar-qyrkúiekte 2020 jylǵy qańtar-qyrkúiekpen salystyrǵanda tamaq ónimderiniń, sýsyn, rezeńke jáne plastmassa buiymdarynyń, ózge de beimetall mineraldyq ónimderiniń, himiia jáne farmatsevtika ónimderiniń, jeńil ónerkásip jáne mashina jasaý óndirisiniń ósýi baiqaldy.
Kómir, shiki munai jáne tabiǵi gaz kenderiniń óndirisi tómendedi.
Ónerkásiptik ónimderdiń óndiris kóleminiń ósýi respýblikanyń 14 óńirinde baiqaldy», - delingen málimette.
Biylǵy qańtar-qyrkúiekte elimizde óndirildi:
- munai (gaz kondensatyn qosqanda) 62,4 mln tonna;
- mys kenderi 91,4 mln tonna;
- un 2,3 mln tonna;
- benzin 3,5 mln tonna;
- dizeldi otyn 3,8 mln tonna;
- elektr energiiasy – 83,9 mlrd.kVt.saǵ.
