Densaýlyq saqtaý ministriniń buiyryǵymen kólik júrgizýshilerdi meditsinalyq tekserýdiń tártibine ózgerister engizildi, dep habarlaidy "Ult aqparat".
«Densaýlyq saqtaý ministriliginiń Kólik quraldaryn basqarý quqyǵyn alýǵa úmitker adamdardy meditsinalyq tekserýden, mehanikalyq kólik quraldary júrgizýshisin qaita meditsinalyq qarap-tekserýden ótkizý qaǵidalaryn bekitý týraly «Qazaqstan Respýblikasy Densaýlyq saqtaý ministriniń mindetin atqarýshynyń 2020 jylǵy 30 qazandaǵy №172 buiryǵyna ózgerister engizý týraly» QR Densaýlyq saqtaý ministriniń 2021 jylǵy 11 mamyrdaǵy №38 buiryǵy jariialandy.
Jańa tártip boiynsha kólik tizgindeýshiler fliýorografiiadan ótý mindetinen bosatylatyn boldy.
«Úmitkerlerdi meditsinalyq qarap-tekserý terapevtiń, osy qaǵidalardyń 5-tarmaǵynda kórsetilgen mamandardyń tekserýin, psihobelsendi zattardy paidalaný turǵysynan biologiialyq ortany zertteýdi qamtidy», - dep jazylǵan buiryqta.
Iaǵni, komissiia quramyna terapevt, okýlist, otorinolaringolog, meditsinalyq psihology, psihiatr, narkolog dárigerler kiredi.
Sondai-aq, kólik úrgizýige ruqsat berý týraly anyqtama berýdiń de tártibi ózgertildi.
Qujattardy qabyldaý jáne meditsinalyq tekserýden ótkeni týraly anyqtama berý meditsinalyq uiymdar arqyly nemese «elektrondyq úkimet» veb-portaly arqyly júzege asyrylady.
Eger meditsinalyq tekserýdiń qorytyndysy teris bolsa, quqyq berý týraly anyqtama berilmeitini buiryqta naqty jazylǵan. Ol úshin bas tartý hatyna meditsinalyq tekserý júrgizgen mekeme basshysynyń nemese onyń mindetin atqarýshy adamnyń qoly qoiylýy tiis.
Zańnama boiynsha, júrgizýshi kýáligin alý úshin kelesi qujattardy usyný qajet:
jeke basty kýálandyratyn qujat;
meditsinalyq tekserý nátijeleri (meditsinalyq anyqtama);
memlekettik qyzmetti kórsetkeni úshin tólemdi rastaityn qujat (memlekettik baj 3 myń teńge shamasynda).
Buiryq Ádilet ministrliginde 12 mamyrda № 22747 nómirimen tirkeldi.
