El qoǵamynda oryn alyp jatqan túrli protsester men túitkildi máselelerdi taldap, zertteitin sarapshylar alańy paida boldy, dep habarlaidy QazAqparat.
«Bizdiń institýt qabyrǵasynda «Sarap» sarapshylar alańy uiymdastyryp jatyrmyz. Basqasha aitqanda, túrli sala sarapshylar klýby. Maqsat – qoǵamda oryn alyp jatqan túrli túiitkildi máselelerdi sarapshylarmen talqylaý. Sonymen qatar keshe ǵana Memleket basshysy halyq aldyna úshinshi Joldaýyn usyndy. Biz alǵa qoiǵan taǵy bir mindet Joldaýda aitylǵan mańyzdy dúnielerdi sarapshylarmen oi talqysyna sala otyryp, odan ári halyqqa jetkizý», - dedi «Rýhani jańǵyrý» qoǵamdyq damý institýty Qoǵamdyq protsesterdi zertteý ortalyǵynyń jetekshisi Qazbek Maigeldinov.
Onyń aitýynsha, sarapshylar belgili bir qoǵamdyq máseleni talqyǵa salyp, nátijesinde qarar qabyldanatyn bolady.
«Qoǵamdy tolǵandyryp otyrǵan máseleni saraptap, ony sheshý jolyn QR Aqparat jáne qoǵamdyq damý ministrligine rezoliýtsiia retinde usynatyn bolamyz. Taǵy bir aityp ótetin sát, bizdiń alań tek Joldaý kezinde ǵana emes, odan keiin de jumys istei beredi. Qoǵamdyq saiasi protsester bizdiń nazarda bolady. Elimizde oryn alyp jatqan jaittardy apta saiyn onlain jáne oflain formatta qarastyratyn bolamyz. Elimizde qoǵamda oryn alyp jatqan jaittardy taldap, oǵan ýaqytyly baǵa beretin saiasi alań azdyǵy baiqalady. Osy oraida sarapshylar alańy kerek-aq», - deidi ol.
