Elimizdegi oiyn-saýyq ortalyqtarynda kinoteatrlar men balalardy oinatýǵa arnalǵan oryndardy 3-qabattan joǵary ashýǵa tyiym salynýy múmkin. Mundai usynysty QR IIM TJK bildirip otyr, dep habarlaidy QazAqparat tilshisi.
Komitettiń usynysy týraly búgingi brifingte Órt qaýipsizdigi salasynda baqylaý jáne profilaktikalyq qyzmet basqarmasynyń bólim bastyǵy Ramazan Beisenǵazinov habarlady.
«Saýda ortalyqtarynda kinoteatrlardyń, balalardyń demalýyna arnalǵan aýmaqtarǵa keletin bolsaq. Búgingi kúni bul talaptardyń bári de sáýlet, qurylys jáne qala qurylysy salasyndaǵy memlekettik normativtermen retteledi. Demek, saýda ortalyqtaryndaǵy ondai aýmaqtardyń birinshi nemese ekinshi qabatta ornalasýy - jobalaý satysynda (...) Kásipker tórtinshi qabattaǵy aýmaqty birinshi qabatqa aýystyra almaýy múmkin. Bunyń bári jobalaý satysynda sheshilip qoiady. Biraq, kórshiles eldegi qaiǵyly jaǵdaidy eskere otyryp, biz sáýlet, qurylys jáne qala qurylysyna jaýapty organǵa memlekettik jáne qoǵamdyq uiymdardy tarta otyryp, jumys tobyn qurý týraly bastama, iaǵni usynys bildirip otyrmyz», - deidi Ramazan Beisenǵazinov.
TJK ókiliniń aitýynsha, dál sol oiyn-saýyq ortalyqtarynda erejelerdi qataitý baǵyty usynylǵan. Komitet bul usynysty qurylys normalaryna engizýge tyryspaq.
Osy rette tilshiler TJK ókiline «Demek, oiyn-saýyq ortalyqtaryndaǵy kinoteatrlar men balalar oinaityn aýmaqty 3-4-shi qabattan, 1-shi qabatqa aýystyrý týraly usynys bildirip jatyrsyzdar ma?» degen suraq qoidy.
«Iá. Osy jailardy eskere otyryp, biz jaýapty organ retinde osy usynysty bildirip otyrmyz. Atalǵan norma qazirgi kúni bilim berý mekemelerinde, mektepke deiingi mekemeler men mektepterde bar. Mysaly, bastaýysh synyptardy úshinshi qabattan joǵary oqytýǵa tyiym salynǵan. Osy talaptardyń izinshe jańa qyzmettik ǵimarattardy jeke kategoriiaǵa bólinetin bolady», - deidi TJK ókili.
