Foto: Freepik
Ulttyq statistika biýrosy 2021 jylǵy halyq sanaǵynyń sońǵy qorytyndysyn shyǵaryp, Qazaqstanda áielder sany erlerge qaraǵanda kóbirek ekenin anyqtady, - dep habarlaidy Tengrinews.kz saity.
Qazaqstandaǵy áielder sany erler sanynan burynǵydai basym.
"2021 jylǵy sanaq qorytyndysy boiynsha olardyń sany jarty millionǵa (536,3 myń adamǵa) artyq boldy. Paiyzben aitsaq, erler úlesi – 48,6 paiyz (9 324 840 adam), áielder úlesi – 51,4 paiyz (9 861 175 adam). Aldyńǵy sanaqpen salystyrǵanda erler sany 1,6 million, áielder sany 1,5 millionǵa artty, Qazaqstanda 1000 áielge 946 er adamnan keledi", - delingen habarlamada.
Demografiia erekshelikterine bailanysty 36 jasqa deiingi er adamdar sany áielderge qaraǵanda kóp, sodan keiin ǵana olardyń sany araqatynasqa salǵanda azaia bastaidy (36 jastan asqan áielder sany 736 myń adamǵa kóp). Bul rette erler men áielderdiń araqatynasy tek eki óńirde – Qyzylorda jáne Túrkistan oblystarynda kóp, onda 1000 áielge sáikesinshe 1006 jáne 1027 er adamnan keledi.
"Aldyńǵy sanaqqa qaraǵanda 15-19 jas jáne 20-24 jas aralyǵyndaǵy áielder men erlerdiń sany azaiǵanyna nazar aýdarýǵa bolady. Bul 2009 jylǵy halyq sanaǵy kezinde 20-24 jas aralyǵyndaǵy topta týýdyń eń joǵary kezeńinde – 1980 jyldardyń ekinshi jartysynda týylǵan urpaqtyń bolýymen bailanysty.
Al 2021 jyly bul jas tobyn 1990-shy jyldardyń aiaǵy men 2000-shy jyldardyń basynda dúniege kelgen týý kórsetkishi tómen bolǵan urpaq almastyrdy. Sol siiaqty 15-19 jas sanaty boiynsha 2002-2006 jyly týylǵan urpaq 1990-shy jyldardyń birinshi jartysyndaǵy urpaqqa qaraǵanda az", - delingen habarlamada.
2009 jylǵy sanaqpen salystyrǵanda 55-59, 60-64 jáne 65-69 jastaǵy er adamdar sany sáikesinshe 50,2 paiyz, 117 paiyz jáne 69,5 paiyz aitarlyqtai ósken. Osy jastaǵy áielder sany da 2009-ǵa qaraǵanda sáikesinshe 38 paiyz, 105,9 paiyz jáne 58,3 paiyz ósken. Atalǵan jas tobyndaǵy halyqtyń ósýi ortasha ómir súrý uzaqtyǵynyń artýymen, ómir súrý jaǵdailarynyń jaqsarýymen bailanysty.
