Elimizdegi tanymal servisterdiń biri HeadHunter Qazaqstan Respýblikasyndaǵy eńbek naryǵyna qatysty statistikalyq málimetterin bólisti, dep habarlaidy Baq.kz aqparat agenttigi kapital.kz saityna silteme jasap.
Qazaqstanda ortasha eseppen bir jumys ornyna eki adamnan keldi. Al jumys berýshiler óz kezeginde 2016 jylmen salystyrǵanda qyzmetkerlerine kóbirek jalaqy tóleýge daiyn boldy.
Kompaniianyń málimetinshe, 2017 jyly jumys berý salasynda aitarlyqtai ózgeris bolmady. hh.kz saity júrgizgen analiz nátijesinde jumys izdeýshilerdiń túiindemelerin «Mansap jolynyń basy» bóliminde ornalastyrǵandary belgili boldy. Ekinshi jáne úshinshi orynda «Saýda-sattyq» jáne «Býhgalteriia» salalary tur.
«Memlekettik qyzmet», «keńes berý» jáne «úi personaly» salalary mamandarynyń belsendiligi tómenirek boldy», — dep túsindirdi HeadHunter ókili.
2016 jyly aýtsaiderler tizimine «saqtandyrý», «installiatsiia» jáne «úi personaly» salalary endi. Jumys izdeýshiler alǵysy keletin jalaqy retinde 2016 jyly 100 myń teńge, 2017 jyly 102 myń teńgeni kórsetken.
2017 jyly hh.kz saitynda eń joǵarǵy jalaqysy bar vakansiiany Almaty jáne Astana qalalarynyń jumys berýshileri usynǵany belgili boldy. Jumys berýshiler «bas direktor» qyzmetine turýshylarǵa 6,6 mln teńge nemese 20 myń dollar kólemindegi jalaqy usyndy.
«Bul qyzmet kóptegen mindetti qamtidy ári asqan jaýapkershilikti talap etedi. Onyń ústine jumys kestesi de retke keltirilmegen. Sol sebepti, mundai qyzmetkerler jalaqysynyń joǵary bolatyny sózsiz», — deidi kompaniia ókili.
