COVID-19 koronavirýsyna bailanysty elimizde bolatyn barlyq hokkei matchy bos tribýnada kórermensiz ótedi, dep habarlaidy "Ult aqparat" Qazaqstan hokkei federatsiiasyna (QHF) silteme jasap.
«Sport jarystary ótedi, biraq kórermensiz ótetin bolady. Bul – halyqaralyq tájiribe. Barlyq Eýropa elinde úlken quramalar kórermensiz alańǵa shyǵady. Bizde de osyndai sheshim qabyldandy», - dep málimdedi QR Úkimetiniń shuǵyl brifinginde Premer-ministrdiń orynbasary Eraly Toǵjanov.
Osylaisha jankúierlerdiń densaýlyǵyna qaýip tónbes úshin 13 naýryzdan bastap Qazaqstandaǵy barlyq resmi hokkei jarystary kórermensiz ótedi. Atalǵan shekteý sharalarynyń merzimi týraly Qazaqstan hokkei federatsiiasy qosymsha habarlaidy.
Aita keteiik, búgin QR Prezidenti Qasym-Jomart Toqaev álemdik koronavirýs pandemiiasyna bailanysty elde barlyq jappai mádeni jáne sporttyq sharalardy ótkizýge ýaqytsha tyiym saldy.
