Bul aýa raiyna Iran men Orta Aziia aimaqtarynan jyly aýa massalarynyń jii kelýi sebep boldy. Ońtústik jáne soltústik-batys tsiklondaryna bailanysty atmosferalyq frontaldy bólikter birneshe ret ótip, aýa raiy turaqsyz sipatta boldy.
Respýblikanyń basym bóliginde, kóbinese aidyń ekinshi jartysynda qar jaýyp, boran soǵyp, keide qatty jaýyn-shashyn jaýdy. Mysaly, 22 jeltoqsanda Qusmuryn meteobeketinde (Qostanai oblysy) 23 millimetr (norma boiynsha bir aida 19 millimetr), ai aiaǵynda eldiń batysynda 22 millimetrge deiin jaýdy.
Elimizdiń ońtústik jartysynda jaýyn-shashyn jańbyr jáne qar túrinde jaýdy, qatty jaýyn-shashyn birinshi onkúndiktiń aiaǵynda ońtústik-shyǵystyń taýly jáne taý bókterindegi aýdandarynda 18 millimetrge deiin baiqaldy. Ai ortasynda Túrkistan oblysynda 25 millimetrge deiin jaýdy, sondai-aq, tuman men kóktaiǵaq qubylystary baiqaldy. Ai basynda kúndizgi aýa temperatýrasy batys aimaqtarda +6 gradýsqa deiin, ońtústik-batys jáne ońtústik aimaqtarda +12+25,7 gradýsqa deiin kóterildi.
2 jeltoqsanda Shymkent (Túrkistan oblysy) meteobeketinde +25,7 gradýs tirkeldi, bul joǵary kórsetkish boldy, keiingi ret eń joǵary aýa temperatýrasy 1987 jyly 24 jeltoqsanda (+25,4 gradýs) baiqaldy. Sondai-aq, Mańǵystaý oblysynda da rekord kórsetkish tirkeldi. Aqqudyq meteobeketinde 1 jeltoqsanda aýa temperatýrasy +22,6 gradýsqa deiin kóterildi, keiingi ret absoliýtti maksimým 1981 jyly 16 jeltoqsanda (+22,0 gradýs) baiqaldy.
Soltústik jáne shyǵys óńirlerde kúndiz aýa temperatýrasy +2+5 gradýsqa deiin, eldiń ońtústik-shyǵysynda +13 gradýsqa deiin kóterildi. Alaida birinshi onkúndiktiń aiaǵynda jáne aidyń úshinshi onkúndiginde, negizinen respýblikanyń soltústik jartysynda sýyq antitsiklonnyń enýine bailanysty aýa temperatýrasy túnde jáne kúndiz aitarlyqtai tómendedi: túnde-22-32 gradýsqa deiin, kúndiz-17-25 gradýsqa deiin.
Osylaisha, Qazaqstannyń barlyq aýmaǵynda aýa temperatýrasy normadan 1-6 gradýsqa joǵary boldy, tek eldiń shetki shyǵysy men ońtústik-shyǵysynda klimattyq normaǵa jaqyn boldy.
Respýblikanyń basym bóliginde jaýyn-shashyn mólsheri normadan 1,3-2,9 ese, Batys Qazaqstan, Pavlodar, Shyǵys Qazaqstan, Qostanai oblysynyń soltústigi men ońtústiginde, Almaty oblysynyń soltústiginde, Qaraǵandy oblysynyń ońtústiginde, ortalyǵy men shyǵysynda jáne Atyraý, Qyzylorda oblystarynyń jekelegen aýdandarynda normadan 1,3-2,9 ese kóp boldy.
Foto Tengrinews.kz/Álihan Sariev
