Qazaqstanda jabaiy janýarlardyń birqataryn zoobaqta ustaýǵa tyiym salynýy múmkin, dep habarlaidy "Ult aqparat".
«Janýarlarǵa jaýapkershilikpen qaraý týraly» zań jobasyna eldegi delfinariilerdi jabý týraly norma engiziledi. Qazirdiń ózinde bul normany zań jobasyna kirgizdik. Keiingi kezde bizge qoǵam ókilderiniń de, halyqaralyq qoǵam qairatkerleriniń de delfinariilerdi jabý máselesi boiynsha júgingenin bilesizder. Sol sebepti bul normany ázirledik. Bul normada delfinariilerge ǵana qatysty emes, basqa da jabaiy janýarlardy ustaý boiynsha tyiymdar bar», - dedi QR Ekologiia, geologiia jáne tabiǵi resýrstar ministri Maǵzum Myrzaǵaliev Úkimet úiindegi baspasóz máslihatynda.
Sondai-aq vedomstvo basshysy zań jobasy depýtattardyń qaraýyna qashan beriletinin aitty.
«Zań jobasy ázirlendi. Ministrlik alańynda Parlament depýtattarymen, qoǵam ókilderimen kezdestik. Bul qujat qoǵam tarapynan aitarlyqtai keńinen talqylandy. Zań jobasy Úkimetke engizildi. Osy oraida tiisti kelisýden ótkennen keiin, jaqyn arada Parlament qaraýyna túsedi», - dedi ol.
Eske sala ketsek, buǵan deiin Maǵzum Myrzaǵaliev delfinariilerdi jabý týraly Qazaqstandaǵy tabiǵat qorǵaýshylarynyń usynysy qarastyrylatynyn málim etken bolatyn.
«Bul, aiaq astynan paida bolǵan másele emes. Sondyqtan onyń sheshilýi úshin belgili bir ýaqyt kerek. Halyqaralyq tájiribeler eskerilýi qajet. «Janýarlarǵa jaýapkershilikpen qaraý týraly» zańnyń jobasynda dál osy gýmanizm printsipteri negiz bolady. Ministrlik atynan osy máselege alańdaýshylyq bildirip, azamattyq ustanymyn tanytqan adamdarǵa alǵys aitamyz», - dep jazdy ministr.
