Qazaqstanda kásipkerlikti yntalandyrýǵa arnalǵan úshjaqty kelisimder jasaý tetigi engiziledi. Bul týraly búgin Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Dúniejúzilik saýda uiymy aldyndaǵy mindettemelerdi eskere otyryp, ishki naryqty odan ári damytý maqsatynda otandyq óndiristi qoldaýdy jalǵastyramyz. 2020 jyldyń sońyna deiin memlekettik satyp alýda taýarlardy, jumystar men kórsetiletin qyzmetterdi satyp alýdyń arnaiy tártibi normasy qoldanylady. Oǵan 3400-ge jýyq otandyq kásiporyn akkredittelgen», - dedi ministr.
Onyń aitýynsha, osy jyldyń 30 qarashasynda Indýstriia jáne infraqurylymdyq damý, Energetika ministrlikteri men iri munai-gaz operatorlary arasynda Munai-gaz mashinasyn jasaýdy damytýdyń halyqaralyq ortalyǵyn qurý nieti týraly kelisimge qol qoiyldy
«Ulttyq rejimnen alyp tastalatyn ataýlar tizbesin keńeitý jumystary jasalyp jatyr. 2021 jyly memlekettik organdar, «Atameken» ulttyq kásipkerler palatasy men jer qoinaýyn paidalanýshylardyń qatysýymen Qazaqstan Respýblikasynda kásipkerlikti yntalandyrýǵa arnalǵan úshjaqty kelisimder jasaý tetigi engiziledi», - dedi Beibit Atamqulov.
