Qazaqstanda kásipkerlik damytý ulttyq jobasy qabyldanady. Bul týraly QR Eńbek jáne halyqty áleýmettik qorǵaý vitse-ministri Erjan Birjanov aitty, dep habarlaidy QazAqparat.
«Eńbek» baǵdarlamasy aiasynda jylsaiyn 700 myń adam qoldaý is-sharalarymen qamtylady. Bul – oqytý, jumysqa ornalastyrý, turaqty jumys orny, alǵashqy jumys orny. Baǵdarlama 2017 jyldan beri qoldanysta. Biyl baǵdarlama aiaqtalady. Jumyspen qamtýdaǵy onyń mańyzdylyǵy men tiimdiligi eskerelie otyryp, qazirdiń ózinde Kásipkerlikti damytý ulttyq jobasy qabyldanady. «Eńbek» baǵdarlamasyndaǵy barlyq bastamalardy Ulttyq jobaǵa qosamyz. Ol Memleket basshysy jarlyǵymen qabyldanady jáne jobalyq basqarý ádisteri qoldanylady. Qazirdiń ózinde aldaǵy 5 jylǵa arnalǵan esepteý bar. Is-sharalar tolyq jazylǵan», - dedi vitse-ministr.
Onyń atap ótýinshe, jobalyq basqarýdyń barlyq quraldary kelesi jyldan bastap júzege asyrylady.
«Tsifrlandyrý boiynsha, jumys berýshiniń talaptarymen oqytý boiynsha barlyq quraldar Ulttyq jobada kórinis tabady. «Eńbek» baǵdarlamasy jańa formatta jalǵasady», - dedi Erjan Birjanov.
