Sýret: ashyq derekkóz
Qazaqstanda biznes sýbektileri úshin elektr energiiasyna tarifter tómendetildi. 1 sáýirden bastap únemdeý 1,7 mlrd teńgeni qurady. Bul týraly Úkimettiń baspasóz qyzmeti málimdedi.
Tarifti tómendetý QR UEM Tabiǵi monopoliialardy retteý komitetiniń aýmaqtyq departamentteri jaqynda (2024 jylǵy 1 sáýirden bastap) elektr energiiasymen jabdyqtaý qyzmetterine rettelmeitin energiiamen jabdyqtaýshy uiymdardyń litsenziialarynyń qoldanylýyn toqtata turǵannan keiin múmkin boldy.
"Búginde tutynýshylardyń kepildik berip jetkizýshilerge kóshý protsesi júrip jatyr. Bul kepildik berip jetkizýshi kórsetetin qyzmetter kóleminiń ulǵaiýyna, sáikesinshe elimizdiń 13 óńirinde tarifterdiń tómendeýine yqpal etti", — delingen habarlamada.
Jalpy, atqarylǵan is-sharalardyń arqasynda 129 060 shaǵyn jáne orta biznes sýbektileriniń únemdeýi aiyna 1,7 mlrd teńgeden astam somany qurady.
"Óńirlerdegi tarifterdiń aiyrmashylyǵy elektrmen jabdyqtaýdaǵy ártúrli shemanyń bolýymen jáne Biryńǵai satyp alýshynyń satý baǵasy men satyp alynǵan elektr energiiasyna, elektr qýatynyń júktemeni kóterýge daiyndyǵyna, energiia berýshi jáne ótkizý uiymdarynyń tarifterine, jetkiziletin elektr energiiasynyń kólemine jáne basqa da tarif qurylymyna bailanysty túsindiriledi", — dep habarlady Úkimettiń baspasóz qyzmeti.
Tutynýshylarǵa arnalǵan tarifterdiń deńgeii de differentsiatsiiaǵa bailanysty. Bul rette, elimizdiń óńirlerindegi turǵyndar úshin tarifter deńgeii ózindik qunnan tómen bolyp belgilendi.
Jalpy, júrgizilgen jumystyń nátijeleri ShOB sýbektilerin kommýnaldyq qyzmetterge aqy tóleý kezinde qoldaýǵa múmkindik beredi. Bul shaǵyn jáne orta biznes sýbektileriniń taýarlar men qyzmetterdi ótkizý kezindegi shyǵyndaryn tómendetýde halyqqa janama oń áserin tigizdi.
Anyqtama:
- - 2024 jylǵy 1 mamyrdan bastap Almaty qalasy men Almaty oblysynda — 1,2%-ǵa «Almatyenergosbyt» JShS;
- - 2024 jylǵy 1 mamyrdan bastap Túrkistan oblysy men Shymkent qalasynda — 12,4%-ǵa «Energopotok» JShS;
- - 2024 jylǵy 5 mamyrdan bastap Qaraǵandy oblysynda — 14,55%-ǵa «KaragandaJylýSbyt» JShS;
- - 2024 jylǵy 1 maýsymnan bastap Astana qalasynda — 18%-ǵa «Astanaenergosbyt» JShS;
- - 2024 jylǵy 1 maýsymnan bastap Aqmola oblysynda — 4,6%-ǵa «AREK-Energosbyt» JShS;
- - 2024 jylǵy 1 maýsymnan bastap Qaraǵandy oblysynda — 10%-ǵa «Energoýgol HHI» JShS;
- - 2024 jylǵy 1 maýsymnan bastap Qaraǵandy oblysynda — 10%-ǵa «Raschetnyi servisnyi tsentr» JShS;
- - 2024 jylǵy 1 maýsymnan bastap Soltústik Qazaqstan oblysynda — 7,14%-ǵa «SevKazEnergosbyt» JShS;
- - 2024 jylǵy 1 maýsymnan bastap Jetisý oblysynda — 16,2%-ǵa «JetysýEnergoTreid» JShS;
- - 2024 jylǵy 1 maýsymnan bastap Aqtóbe oblysynda — 4,5%-ǵa «Aktobeenergosnab» JShS;
- - 2024 jylǵy 1 maýsymnan bastap Pavlodar oblysynda — 5,1%-ǵa «Ekibastýzenergo» JShS;
- - 2024 jylǵy 10 maýsymnan bastap Qostanai oblysynda — 17%-ǵa «Rýdnenskaia Energo Kompaniia» JShS;
- - 2024 jylǵy 1 shildeden bastap Qostanai oblysynda — 5%-ǵa «Kostanaiskii EnergoTsentr» JShS.
