Sońǵy eki aptada áleýmettik mańyzy bar azyq-túlik taýarlarynyń baǵasy 0,5 paiyzǵa tómendedi. Bul týraly búgin Úkimet otyrysynda QR Saýda jáne integratsiia vitse-ministri Erjan Qazanbaev málim etti, dep habarlaidy QazAqparat.
«Jyl basynan beri áleýmettik mańyzy bar azyq-túlik taýarlarynyń baǵasy 9,9 paiyzǵa ósti. Ishki naryqta otandyq ónimderdiń kóbeiýi esebinen sońǵy eki aptada baǵalar 0,5 paiyzǵa tómendedi. Atap aitqanda, eń joǵary ósý sátinen bastap kartop baǵasy 34 paiyzǵa nemese 71 teńgege, al sábiz 41 paiyzǵa nemese 122 teńgege tómendedi. Sonymen qatar, sońǵy aptalarda qyryqqabat 0,4 paiyzǵa, piiaz 0,1 paiyzǵa arzandady», - dedi E. Qazanbaev.
Onyń aitýynsha, baǵanyń eń joǵary ósimi 11,6% Túrkistan oblysynda, 11,3% – Qyzylorda oblysynda jáne 11,3% – Qostanai oblysynda tirkeldi. Eń tómen ósim 9,5% Almaty qalasynda, 9,6% –Almaty oblysynda jáne 9,7% Qaraǵandy oblysynda belgilendi.
Budan buryn habarlanǵandai, búgin Úkimet otyrysynda elimizde baǵanyń ósýin tejeý maqsatynda 2021 - 2024 jyldarǵa arnalǵan infliatsiiaǵa qarsy áreket etý sharalary kesheniniń jobasy qaralyp, maquldandy.
