Búgin Premer-Ministrdiń orynbasary Eraly Toǵjanovtyń tóraǵalyǵymen QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń otyrysy ótti, dep habarlaidy Primeminister.kz saity.
Kún tártibinde qaralǵan negizgi máseleler – Úkimettiń keńeitilgen májilisinde koronavirýs infektsiiasyna qarsy kúres boiynsha sheshimder qabyldaý úshin Prezident Qasym-Jomart Toqaev qoiǵan tapsyrmalarǵa qatysty boldy.
Vitse-premer Memleket basshysynyń tapsyrmalaryn oryndaý aiasynda memlekettik organdarǵa qysqa merzimde kelesi mindetterdi júzege asyrýdy júktedi:
koronavirýsqa qarsy is-qimyl sharalaryn túbegeili qaita qaraý Strategiiasyn ázirleý;
aǵymdaǵy jyldyń 19 shildesine deiin shaǵyn jáne orta biznes qyzmetkerlerine vaktsinalaý júrgizýdiń naqty merzimderin qaita qaraý jáne belgileý;
«Pfizer» kompaniiasymen kelisimge qol qoiý jónindegi jumysty uiymdastyrý jáne vaktsinany jetkizý týraly kelisimshart jasasýdy qamtamasyz etý;
aǵymdaǵy jyldyń 19 shildesine deiin mindetti vaktsinalaýǵa jatatyn qoǵamnyń tirshilik etý salalaryn anyqtaý;
PTR-testileýdiń biryńǵai bazasyna uqsas vaktsinalaýdyń tsifrlyq kartasyn iske qosý máselesin pysyqtaý;
aǵymdaǵy jyldyń 19 shildesine deiin «Ashyq» siiaqty tsifrlyq sheshimderdi belsendi paidalaný basymdyǵymen mobildi monitoringtik toptardyń jumysyn qaita formattaý boiynsha usynystar engizý;
epidemiologiialyq jaǵdaiǵa qaramastan, meditsina qyzmetkerlerin qoldaý jáne yntalandyrýdyń qoldanysta bolatyn qaǵidalaryn ázirleý jáne bekitý;
jańa oqý jylynda oqýshylar men stýdentterdi oqytýdyń dástúrli nysanyn qaita bastaý kezinde pedagogter men oqýshylardyń densaýlyǵynyń qaýipsizdigin qamtamasyz etý boiynsha usynystar ázirleý.
Eldegi epidemiologiialyq jaǵdaidyń nasharlaýyna bailanysty vedomstvoaralyq komissiia «qyzyl aimaqtaǵy» óńirlerde karantindik shekteýlerdi kúsheitý boiynsha sharalar qabyldady.
"Ashyq" jobasyna qatysatyn nysandardy qospaǵanda, qalaaralyq, oblysishilik, qalalyq turaqty jáne turaqty emes (týristik) avtobýs jáne shaǵyn avtobýs tasymaldary, jabyq jaǵajailar men akvaparktardyń qyzmeti toqtatylady.
Demalys jáne mereke kúnderi jumysyna tyiym salynady:
qoǵamdyq kóliktiń;
«Ashyq» jobasyna qatysýshylaryn qospaǵanda, qoǵamdyq tamaqtaný obektileriniń;
«Ashyq» jobasyna qatysatyndaryn qospaǵanda, fitnes ortalyqtardyń, fitnes klýbtardyń, ioga ortalyqtarynyń, sporttyq-saýyqtyrý obektileriniń, saýnalardyń, SPA-ortalyqtardyń, basseinderdiń;
«Ashyq» jobasyna qatysatyndaryn qospaǵanda, kinoteatrlardyń, teatrlardyń, kontsert zaldarynyń, filarmoniialardyń, kompiýterlik klýbtardyń, boýlingterdiń, biliardtardyń, karaokelerdiń, kórmelerdiń;
«Ashyq» jobasyna qatysýshylardy, ashyq bazarlardy, jármeńkelerdi qospaǵanda, aýdany
«Ashyq» jobasyna qatysatyndaryn qospaǵanda, sport obektileriniń (sport keshenderi, sport mektepteri, sport klýbtary, jattyǵý zaldary); bilim berý ortalyqtarynyń, balalar men eresekterge arnalǵan úiirmelerdiń, balalardy damytý ortalyqtarynyń; «Ashyq» jobasyna qatysatyndaryn qospaǵanda, fýdkorttardyń.
Jumys kúnderi qyzmeti shekteledi:
"Ashyq" jobasyna qatysatyn fitnes-ortalyqtardyń, fitnes-klýbtardyń, ioga-ortalyqtardyń, sporttyq-saýyqtyrý obektileriniń, saýnalardyń, SPA-ortalyqtardyń, sport obektileriniń, basseinderdiń jumysy saǵat 20.00-ge deiin;
"Ashyq" jobasyna qatysýyna qaramastan, saýda oiyn-saýyq ortalyǵy, saýda úileriniń, saýda jelileriniń saǵat 18.00-ge deiin; "Ashyq" júiesine qatysatyn qoǵamdyq tamaqtaný nysandarynyń, fýdkorttardyń jumysy – saǵat 20.00-ge deiin, "Ashyq" júiesine qatyspaityndardyń jumysy – saǵat 18.00-ge deiin.
Otyrys sońynda vitse-premer memlekettik organdar men óńir ákimderine túsindirý jumystaryn kúsheitýdi, sondai-aq halyqty koronavirýsqa qarsy vaktsinalaýmen qamtýdy arttyrýdy tapsyrdy.
