Eńbek jáne halyqty áleýmettik qorǵaý ministrligi ókilderi Qazaqstanda qansha reseilik jumys isteitinin aitty, - dep habarlaidy Massaget.kz portaly.
"Jyl basynan beri 3 millionǵa jýyq reseilik keldi, shamamen osynshama adam elden shyqty. Ishinara jumyldyrý jariialanǵan keiin elimizge 837 myń adam kelip, 780 myńy shyqty.
Búginde elimizde 298 myń reseilik bolsa, onyń 30 myńy kelisimshartqa sáikes jumys isteidi, eńbek birjasynda HR-da tirkelgen. Tiisinshe, olardyń ýaqytsha turǵylyqty jeri boiynsha tirkeýi bar", - dedi Eńbek jáne halyqty áleýmettik qorǵaý ministrligi Kóshi-qon komiteti tóraǵasynyń mindetin atqarýshy Ilias Ispanov.
Onyń aitýynsha, Qazaqstanda Reseiden kelgen 20 myń stýdent bar.
"Sonymen qatar bizge kelip, tranzitpen ushyp ketetinder de bar. 21 qyrkúiekten bastap 198 myń reseilikter elimizdi tranzit el retinde paidalanyp, ózderi josparlaǵan elge ketip qaldy", - dedi Ispanov.
