Ishki ister ministrligi 2022 jyldyń basynan beri Qazaqstanda qansha reseilik jáne ýkrainalyq azamat jeke sáikestendirý nómirin (JSN) alǵany týraly málimet usyndy, - dep habarlaidy "Ult aqparat" Tengrinews.kz agenttigine silteme jasap.
IIM málimetinshe, jyl basynan beri Qazaqstanda 198 806 sheteldik JSN rásimdegen.
"Azamattardyń eń kóp sany: Ózbekstan - 91 454, Resei - 74 371, Tájikstan - 7896, Qyrǵyzstan - 4470, Ýkraina - 1520", - dedi ministrlik ókilderi.
Qazaqstandaǵy sheteldikterge JSN ártúrli maqsattarǵa qajet:
- jumysqa ornalasý;
- Qazaqstanda esep aiyrysý shotyn tirkeý;
- múlikti tirkeý;
- memlekettik qyzmetterdi alý jáne t.b.
Sondai-aq, kóshi-qon zańnamasyn buzǵany úshin 40 831 sheteldik ákimshilik jaýapkershilikke tartylǵan. Sot sheshimi boiynsha, 3 519 sheteldik elden shyǵarylǵan. Olarǵa bes jylǵa deiin elge kirýge tyiym salynady.
