Eńbek jáne halyqty áleýmettik qorǵaý ministri Serik Shapkenov Reseiden Qazaqstanǵa eńbek migranttarynyń kóptep kelýi baiqalmaitynyn aitty, - dep habarlaidy Tengrinews.kz.
"Búginde Resei Federatsiiasynan jáne t.b. eńbek migranttary aǵynyn kórip turǵan joqpyz, qazir Qazaqstanda 100 myńǵa jýyq Resei azamaty bar. Onyń 6 myńy 2022 jyldyń basynan beri jumysqa kelgen. Jyl saiyn Qazaqstannan ketetinder kelgennen góri kóp ekenin kórsetetin teńgerim bar", - dedi Shápkenov Senat otyrysynda jýrnalister suraǵyna jaýap berip.
Ministrge bolashaqtaǵy kadrlar men jumys oryndary tapshylyǵynyń yqtimaldyǵy týraly suraq qoiyldy.
"Ár salada mamandyqtar atlasyn jasadyq, 9 jańa mamandyq paida boldy. Ár salada kadr tapshylyǵy bolady. Naryq ózgerip jatyr, keibir mamandyqtar joiylady, keibireýleri ózgerýge májbúr bolady, al keibiri jańadan paida bolady. Men tipti "dron-operatory" mamandyǵy bolady dep oilaǵan emespin. Tehnologiialar damyp, soǵan sáikes mamandyqtar da paida bolady. Ár salada kadr qajet bolady. Suranysqa qarai bul kadrlardy daiyndaý kerek", - dep jaýap berdi Shápkenov.
