QR DSM sanitarlyq-epidemiologiialyq baqylaý komitetiniń tóraǵasy Aijan Esmaǵambetova koronavirýs juqtyrǵan meditsina qyzmetkerleri týraly aityp berdi, dep habarlaidy "Ult aqparat".
«Qarashadan qańtarǵa deiin 2 607 meditsina qyzmetkeri aýyryp qaldy, onyń ishinde 2 440 mamanda koronavirýs infektsiiasy rastaldy, al 167-sinde – KVI minýs. Biraq epidemiologiialyq tekserý aiasynda tek 225 medqyzmetkerdiń aýrýy kásibi qyzmetke bailanysty ekeni rastaǵaldy», - dedi Aijan Esmaǵambetova Ortalyq kommýnikatsiialar qyzmetindegi brifingte tilshi suraǵyna bergen jaýabynda.
Onyń aitýynsha, qalǵan mamandardyń aýrýy kásibi qyzmetpen bailanysty bolmaǵan.
«Qaitys bolǵandar boiynsha: qarashadan qańtarǵa deiin 7 meditsina qyzmetkeri qaitys boldy, onyń 5-eýinde de aýrý meditsinalyq kómek kórsetýmen, iaǵni óziniń kásibi qyzmetin júzege asyrýmen bailanysty emes. Eki meditsina qyzmetkeri boiynsha tekserý áli jalǵasýda», - dedi A.Esmaǵambetova.
