Tótenshe jaǵdailar ministrligi kóktemde sý basý qaýpi bar 905 eldimekendi anyqtady. Bul týraly QR Tótenshe jaǵdailar ministri Iýrii Ilin aityp berdi, dep habarlaidy "Ult aqparat".
Vedomstvonyń málimetinshe, jalpy 2017-2020 jyldary elimizde kóktemde sý basý qaýpi bar 905 eldimeken anyqtaldy. Sý tasqyny qaýpiniń aldyn alý boiynsha Jol kartasyn iske asyrýdyń arqasynda úsh júzden astam (315) eldimekendi sý basý qaýpi seiilip, 300 myńnan astam adam turatyn taǵy 314 eldimekende qater azaiǵan.
Jalpy jol kartasy aiasynda 26 gidrotehnikalyq qurylys jóndelgen: Soltústik Qazaqstan oblysynyń Kojevennyi kentindegi qorshaý bógeti qaita jańartylǵan (2638,9 mln teńge); Pavlodar oblysynyń Baianaýyl aýdanyndaǵy M. Shorman bógetiniń shaiylyp ketken ýchaskesi qalpyna keltirildi (1364,9 mln teńge); Aqtóbe oblysy Alǵa aýdanynyń Elek ózeni boiyndaǵy qorǵanys bógeti kúrdeli jóndeýden ótken (130 mln teńge).
Buǵan deiin Tótenshe jaǵdailar ministri elimizde 46 úi men 67 avtojoldy sý basqanyn aitqan edi.
