تٶتەنشە جاعدايلار مينيسترلٸگٸ كٶكتەمدە سۋ باسۋ قاۋپٸ بار 905 ەلدٸمەكەندٸ انىقتادى. بۇل تۋرالى قر تٶتەنشە جاعدايلار مينيسترٸ يۋريي يلين ايتىپ بەردٸ, دەپ حابارلايدى "ۇلت اقپارات".
ۆەدومستۆونىڭ مەلٸمەتٸنشە, جالپى 2017-2020 جىلدارى ەلٸمٸزدە كٶكتەمدە سۋ باسۋ قاۋپٸ بار 905 ەلدٸمەكەن انىقتالدى. سۋ تاسقىنى قاۋپٸنٸڭ الدىن الۋ بويىنشا جول كارتاسىن ٸسكە اسىرۋدىڭ ارقاسىندا ٷش جٷزدەن استام (315) ەلدٸمەكەندٸ سۋ باسۋ قاۋپٸ سەيٸلٸپ, 300 مىڭنان استام ادام تۇراتىن تاعى 314 ەلدٸمەكەندە قاتەر ازايعان.
جالپى جول كارتاسى اياسىندا 26 گيدروتەحنيكالىق قۇرىلىس جٶندەلگەن: سولتٷستٸك قازاقستان وبلىسىنىڭ كوجەۆەننىي كەنتٸندەگٸ قورشاۋ بٶگەتٸ قايتا جاڭارتىلعان (2638,9 ملن تەڭگە); پاۆلودار وبلىسىنىڭ باياناۋىل اۋدانىنداعى م. شورمان بٶگەتٸنٸڭ شايىلىپ كەتكەن ۋچاسكەسٸ قالپىنا كەلتٸرٸلدٸ (1364,9 ملن تەڭگە); اقتٶبە وبلىسى العا اۋدانىنىڭ ەلەك ٶزەنٸ بويىنداعى قورعانىس بٶگەتٸ كٷردەلٸ جٶندەۋدەن ٶتكەن (130 ملن تەڭگە).
بۇعان دەيٸن تٶتەنشە جاعدايلار مينيسترٸ ەلٸمٸزدە 46 ٷي مەن 67 اۆتوجولدى سۋ باسقانىن ايتقان ەدٸ.
