Respýblikanyń dene shynyqtyrý-sport qozǵalysyna 5,9 mln adam qatysty. Bul týraly QR Mádeniet jáne sport vitse-ministri Erlan Qojaǵapanov málim etti, dep habarlaidy "Ult aqaparat".
«Prezident Qasym-Jomart Toqaev 2020 jylǵy 1 qyrkúiektegi «Jańa jaǵdaidaǵy Qazaqstan: is-qimyl ýaqyty» atty Qazaqstan halqyna Joldaýynda buqaralyq sportty damytýdyń mańyzdylyǵyn atap ótti. Osy maqsatta strategiialyq josparǵa sáikes, ministrlik buqaralyq sportty odan ári damytý boiynsha jumys júrgizýde. 2020 jyldyń qorytyndysy boiynsha halyqty dene shynyqtyrýmen jáne sportpen qamtý 31,6% qamtamasyz etildi, bul respýblikanyń dene shynyqtyrý-sport qozǵalysyna 5,9 mln adamnyń qatysatynyn kýálandyrady», - dedi Qojaǵapanov Májilistiń Áleýmettik-mádeni damý komitetiniń keńeitilgen otyrsynda.
Onyń aitýynsha, salaýatty ómir saltyn nasihattaý aiasynda 2020 jyly respýblika boiynsha 1,5 mln-nan astam adamdy qamti otyryp, 21 myńnan astam sporttyq-buqaralyq is-shara ótkizildi. Buqaralyq sportty damytýdaǵy baǵyttardyń biri mektep jáne stýdentter ligalaryn ótkizý arqyly damityn mektep jáne stýdenttik sport bolyp otyr.
