Foto: pixabay.com
Qazaqstanda eńbek naryǵynda kásiptik-tehnikalyq bilimi bar qyzmetkerlerge suranys ózekti bolyp qala beredi. Bul týraly QR premer-ministri Oljas Bektenovtiń tóraǵalyǵymen ótken Úkimet otyrysynda Memleket basshysynyń Joldaýynda qoiylǵan mindetterdi oryndaý boiynsha Jalpyulttyq is-sharalar josparynyń jobasy qaralǵan otyrysta kásibi kadrlardy daiarlaý jóninde eńbek jáne halyqty áleýmettik qorǵaý ministri Svetlana Jaqypova aitty.
Onyń sózinshe, kásiptik-tehnikalyq bilimi bar jumyspen qamtylǵandardyń úlesi jalpy jumyspen qamtylǵandar sanynyń 49%-na jetip, 17 paiyzdyq tarmaqqa ulǵaidy.
Ekonomika salalary bóliginde kásiptik-tehnikalyq bilimi bar qyzmetkerlerdiń eń kóp sany saýda, ónerkásip, aýyl sharýashylyǵy, kólik jáne qoimalaý salalarynda basym bolyp, jalpy sany 2,5 mln adamǵa jetti.
Degenmen, eńbek naryǵynda kásiptik-tehnikalyq bilimi bar qyzmetkerlerge suranys ózekti bolyp qala beredi.
Tehnikalyq bilimi bar jumysshylarǵa kútilip otyrǵan suranys joǵary bilimi bar qyzmetkerlerge qaraǵanda aitarlyqtai joǵary (70%).
2030 jylǵa deiin kadrlarǵa suranys 1,8 mln adamdy quraidy, onyń 1 mln-ǵa jýyǵynan tehnikalyq bilim talap etiledi.
