Qazaqstanda óńirlerdegi qandastar men qonys aýdarýshylardy qabyldaýdyń 2020 jylǵa arnalǵan kvotasy bekitildi. Bul týraly Eńbek jáne halyqty áleýmettik qorǵaý ministri málimdedi, - dep habarlaidy «Ult aqparat».
Ministrdiń "2020 jylǵa arnalǵan qandastar men qonys aýdarýshylardy qabyldaýdyń óńirlik kvotasyn bekitý týraly buiryǵy shyqqan bolatyn. Soǵan sai, 2020 jyly qandastardy qabyldaý úshin 1 378 adamǵa, al qonys aýdarýshylardy qabyldaý úshin 4 750 adamǵa óńirlik kvota bólindi.
Aita keteiik, memleket basshysy Qasym-Jomart Toqaevtyń tapsyrmasymen "oralman" sózi "qandas" sózimen aýysty. Bul zańǵa ózgerister 2020 jyly endi.
Qandastar – Qazaqstan Respýblikasy egemendik alǵan kezde respýblikadan tys jerlerde turaqty turǵan etnikalyq qazaqtar. Budan basqa, qandastar – Qazaqstan egemendik alǵannan keiin onyń sheginen tys jerde týǵan jáne turaqty turǵan etnikalyq qazaqtardyń balalary.
2020 jyly 11 myńǵa jýyq etnikalyq qazaq tarihi otanyna oraldy. Eńbek jáne halyqty áleýmettik qorǵaý ministrliginiń habarlaýynsha, olarǵa qandas mártebesi berildi.
2020 jyldyń 1 qazandaǵy jaǵdai boiynsha, 10,9 myń adam Qazaqstanǵa, túpki otanyna oraldy.
Aita keteiik, 1991 jyldan beri elge bir million 68,3 myń etnikalyq qazaq oralǵan.
Resmi derekterge sáikes, 2020 jyly Qazaqstanǵa kelgen qandastardyń jartysynan kóbi Qytaidan keldi. Sonymen qatar 27,7%-i – Ózbekstannan, 9,1% – Túrikmenstannan, 3,4% – Mońǵoliiadan jáne basqa da elderden 2,9%-i kelgen.
Qazaqstanda turatyn qandastar men olardyń urpaqtary jeńildetilgen tártippen azamattyq ala alady.
Ol úshin oblystardyń, respýblikalyq mańyzy bar qalalardyń jáne astananyń politsiia departamenti basshysynyń atyna ótinish berý qajet.
Sonymen qatar qandastar turaqty turýǵa ruqsat berýge jáne Qazaqstan Respýblikasynyń azamattyǵyna qabyldaýdy tirkeýge ótinish-saýalnama toltyrýy qajet. Burynǵy azamattyqtan bas tartý týraly notariat kýálandyrǵan ótinishi de kerek. Sondai-aq, respýblikanyń Konstitýtsiiasy men zańdaryn saqtaý týraly mindetteme, respýblikanyń múddelerin, onyń aýmaqtyq tutastyǵyn qorǵaý, ádet-ǵuryptarǵa, dástúrlerge, memlekettik tilge jáne onyń aýmaǵynda turatyn barlyq ult ókilderiniń tilderine qurmetpen qaraý, Qazaqstannyń kúsh-qýatyn, egemendigin jáne táýelsizdigin nyǵaitýǵa yqpal etý mindettemesin de qosa ótkizedi.
Zańǵa sáikes, Qazaqstannyń azamattyǵyn alǵysy keletin qandas ulttyq pasporttyń kóshirmesi jáne túpnusqasy (salystyryp tekserý úshin) ne azamattyǵy joq adamnyń qujatyn, birlesip júgingen kezde 16 jasqa tolmaǵan balanyń týý týraly kýáliginiń nemese jeke basyn kýálandyratyn basqa qujattyń kóshirmesi jáne túpnusqasyn da qosa ótkizýi qajet.
Qazaq nemese orys tilderindegi jeke ómirbaianyn, azamattyǵy tiesililigi nemese turaqty turatyn memlekette sottylyǵy, ótinish berýshige turýǵa turǵyn úi berý jáne turaqty tirkeý esebine qoiý týraly jeke nemese zańdy tulǵamen notarialdy kýálandyrylǵan shart ne notarialdy kýálandyrylǵan kelisimin de ótinish arasyna qosady.
Bul buiryq 2021 jyldyń 1 qańtardan bastap resmi túrde qoldanysqa engiziledi.
