Foto: ashyq derekkóz
Qazaqstanda kalianǵa qoiylǵan tyiymdy jumsartý máselesi Úkimet deńgeiinde qarastyrylyp jatyr. Bul týraly Densaýlyq saqtaý ministri Aqmaral Álnazarova málimdedi, dep habarlaidy Ult.kz.
Ministrdiń aitýynsha, bul másele qoǵamda qyzý talqylanyp, pikirler ekige bólingen. Qazirgi ýaqytta naqty sheshim qabyldanbaǵan.
«Bul másele óte ózekti. Bir kezderi Qazaqstan kaliandy tolyq tyiym salý jolyn tańdady. Alaida tájiribe kórsetkendei, kalian shegý toqtaǵan joq. Ol tipti balalar men basqa da kelýshilerdiń qatysýymen, tútinsiz orta qaǵidattary saqtalmaityn jerlerde de jalǵasyp jatyr», — dedi Aqmaral Álnazarova.
Onyń sózinshe, dál osy jaǵdailar qoldanystaǵy normalardy qaita qaraý qajettigin týyndatqan. Qazir Úkimet bul baǵyttaǵy usynystardy zerdelep jatyr.
Sondai-aq ministr zań normalaryn qaita qaraý halyqaralyq tájiribede keń taralǵanyn atap ótti. Eger belgili bir talaptar tiimsiz bolsa nemese tolyq jumys istemese, olardy ózgertý tájiribesi bar.
Álnazarova kez kelgen ózgeris halyq densaýlyǵynyń múddesi eskerile otyryp qabyldanatynyn jetkizdi. Sonymen qatar temeki men alkogol ónimderinen túsetin aktsizderdi densaýlyq saqtaý salasyna jáne salaýatty ómir saltyn nasihattaýǵa baǵyttaý múmkindigi de qarastyrylyp jatyr.
Aita keteiik, 2024 jylǵy 19 sáýirde Prezident Qasym-Jomart Toqaev veipterdi, hosh iistendirgishter men olarǵa arnalǵan suiyqtyqtardy satýǵa, taratýǵa jáne jarnamalaýǵa tyiym salatyn zańǵa qol qoiǵan bolatyn.
