فوتو: اشىق دەرەككٶز
قازاقستاندا كاليانعا قويىلعان تىيىمدى جۇمسارتۋ مەسەلەسٸ ٷكٸمەت دەڭگەيٸندە قاراستىرىلىپ جاتىر. بۇل تۋرالى دەنساۋلىق ساقتاۋ مينيسترٸ اقمارال ەلنازاروۆا مەلٸمدەدٸ, دەپ حابارلايدى Ult.kz.
مينيستردٸڭ ايتۋىنشا, بۇل مەسەلە قوعامدا قىزۋ تالقىلانىپ, پٸكٸرلەر ەكٸگە بٶلٸنگەن. قازٸرگٸ ۋاقىتتا ناقتى شەشٸم قابىلدانباعان.
«بۇل مەسەلە ٶتە ٶزەكتٸ. بٸر كەزدەرٸ قازاقستان كالياندى تولىق تىيىم سالۋ جولىن تاڭدادى. الايدا تەجٸريبە كٶرسەتكەندەي, كاليان شەگۋ توقتاعان جوق. ول تٸپتٸ بالالار مەن باسقا دا كەلۋشٸلەردٸڭ قاتىسۋىمەن, تٷتٸنسٸز ورتا قاعيداتتارى ساقتالمايتىن جەرلەردە دە جالعاسىپ جاتىر», — دەدٸ اقمارال ەلنازاروۆا.
ونىڭ سٶزٸنشە, دەل وسى جاعدايلار قولدانىستاعى نورمالاردى قايتا قاراۋ قاجەتتٸگٸن تۋىنداتقان. قازٸر ٷكٸمەت بۇل باعىتتاعى ۇسىنىستاردى زەردەلەپ جاتىر.
سونداي-اق مينيستر زاڭ نورمالارىن قايتا قاراۋ حالىقارالىق تەجٸريبەدە كەڭ تارالعانىن اتاپ ٶتتٸ. ەگەر بەلگٸلٸ بٸر تالاپتار تيٸمسٸز بولسا نەمەسە تولىق جۇمىس ٸستەمەسە, ولاردى ٶزگەرتۋ تەجٸريبەسٸ بار.
ەلنازاروۆا كەز كەلگەن ٶزگەرٸس حالىق دەنساۋلىعىنىڭ مٷددەسٸ ەسكەرٸلە وتىرىپ قابىلداناتىنىن جەتكٸزدٸ. سونىمەن قاتار تەمەكٸ مەن الكوگول ٶنٸمدەرٸنەن تٷسەتٸن اكتسيزدەردٸ دەنساۋلىق ساقتاۋ سالاسىنا جەنە سالاۋاتتى ٶمٸر سالتىن ناسيحاتتاۋعا باعىتتاۋ مٷمكٸندٸگٸ دە قاراستىرىلىپ جاتىر.
ايتا كەتەيٸك, 2024 جىلعى 19 سەۋٸردە پرەزيدەنت قاسىم-جومارت توقاەۆ ۆەيپتەردٸ, حوش يٸستەندٸرگٸشتەر مەن ولارعا ارنالعان سۇيىقتىقتاردى ساتۋعا, تاراتۋعا جەنە جارنامالاۋعا تىيىم سالاتىن زاڭعا قول قويعان بولاتىن.
