QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin men Bilim jáne ǵylym ministri Ashat Aimaǵambetov tsirflandyrýdyń bilim berý úrdisin qalaisha ońtailandyryp, jaqsartatynyn talqylady, dep habarlaidy "Ult aqparat" ministrdiń Facebook-tegi paraqshasyna silteme jasap.
Baǵdat Mýsinnyń málimdeýinshe, bilim jáne ǵylym ministrimen kezdesý beiresmi túrde ótken. Kezdesýdiń negizgi maqsaty usynystardy aityp, BǴM tarapyn tyńdaý jáne bilim berýdi tsifrlandyrýdaǵy problemalardyń sheshimin anyqtaý bolǵan.
«Birinshiden, AT salasynyń damýy tsifrlyq transformatsiiamen tikelei bailanysty. QR BǴM-men birlesip, bilim berý úderisine otandyq AT-sheshimderin kedergisiz engizý maqsatynda jaǵdai jasaý – negizgi mindetterdiń biri. Osy turǵyda Ashat Qanatuly menen tsifrlyq sheshimderdi toptastyrýdy surady. Men óz kezegimde, AT kompaniialaryn usynystarymen bizben belsendi túrde jumys jasaýǵa shaqyramyn», - dedi ministr.
AT boiynsha kásibi standarttardy ózektendirý jáne bilim berý baǵdarlamalarynyń tizimin qaita qaraý týraly sheshim qabyldandy. Olar naryq talaptaryna sai bolýy tiis.
«Búkil salanyń taǵdyry AT kadrlaryn daiarlaý sapasyna bailanysty ekenin atap ótkim keledi. Munaisyz benzin ala almaimyz, sol sekildi sapaly bilimsiz bilikti mamandar da bolmaidy», - dep ótti vedomstvo basshysy.
«Ekinshiden, AT-mamandary úshin Sertifikattaý ortalyqtaryn ashý týraly sheshim qabyldandy. Sheteldik balamalardan birneshe ese arzan sapaly ortalyqtar JOO túlekterin tekserip otyrady. Qandai joǵary oqý oryndarynyń naryqqa bilikti mamandardy usynýǵa daiyn ekendigin anyqtaý qajet. Sonymen qatar stýdentterdi nemquraily oqytatyndardan litsenziia alýdy qarastyramyz, óitkeni oqý oryndarynyń mundai áreketine jol berilmeý kerek. Túlekter suranysqa ie jáne básekege qabiletti bolýy tiis. Túpki nátije – naryqqa sapaly AT-mamandardy «daiarlaý», - dep qosty Baǵdat Mýsin.
Úshinshiden, 2022 jyldan bastap AT mamandyqtaryna túsetin túlekter fizikanyń ornyna informatika tapsyratyn bolady.
«Tórtinshiden, qashyqtan bilim berý máselesin talqyladyq. Bizdiń platformalar indet kezinde kómekshi boldy. Biraq biz bilim berýdi derbesteýge ákeletin kelesi qadamdar týraly kelistik. Mindetti túrde muǵalimdi emes, oqýshyny júiemen basqarý algoritmderi qoldanylýy tiis. Júieniń ózi muǵalimge de, oqýshyǵa da bilimdi qai baǵytta kúsheitý kerektigin jáne nege basa nazar aýdarý kerektigin aitady. Qarapaiym sózben aitqanda: eger siz bólshekterdi igermegen bolsańyz, logarifmderdi qalai úirenesiz? Júie oqýshyny jetelep, muǵalimdi habardar etýi tiis. Bul muǵalimderdiń jumysyn avtomattandyrady, olarǵa tálimgerlik etýge ýaqyt bóledi», - dep túsindirdi ministr.
Besinshiden, jyl saiyn AT mamandaryn daiarlaityn barlyq 84 JOO-ǵa taldaý júrgiziledi. Mundai taldaý QR BǴM-ǵa qajet bolǵan jaǵdaida tiisti tekserý júrgizýge múmkindik beredi.
«Altynshydan, QR BǴM Qazaqstannyń jetekshi kompaniialaryna qamqorlyq ete alatyn 5-10 joǵary oqý ornynan AT fakýltetterdi belgileidi. Kompaniialardyń da JOO bilim berý úderisine tikelei qatysýy, olardyń saiasatyn aiqyndaýy jáne bilim berý baǵdarlamasy men taǵylymdamalaryna kómektesýi mańyzdy. Qarjylyq qoldaý da joqqa shyǵarylmaidy. AT salasynda praktikalyq bilim men tálimgerlik mańyzdy», - dedi Baǵdat Mýsin.
