قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين مەن بٸلٸم جەنە عىلىم مينيسترٸ اسحات ايماعامبەتوۆ تسيرفلاندىرۋدىڭ بٸلٸم بەرۋ ٷردٸسٸن قالايشا وڭتايلاندىرىپ, جاقسارتاتىنىن تالقىلادى, دەپ حابارلايدى "ۇلت اقپارات" مينيستردٸڭ Facebook-تەگٸ پاراقشاسىنا سٸلتەمە جاساپ.
باعدات مۋسيننىڭ مەلٸمدەۋٸنشە, بٸلٸم جەنە عىلىم مينيسترٸمەن كەزدەسۋ بەيرەسمي تٷردە ٶتكەن. كەزدەسۋدٸڭ نەگٸزگٸ ماقساتى ۇسىنىستاردى ايتىپ, بعم تاراپىن تىڭداۋ جەنە بٸلٸم بەرۋدٸ تسيفرلاندىرۋداعى پروبلەمالاردىڭ شەشٸمٸن انىقتاۋ بولعان.
«بٸرٸنشٸدەن, ات سالاسىنىڭ دامۋى تسيفرلىق ترانسفورماتسييامەن تٸكەلەي بايلانىستى. قر بعم-مەن بٸرلەسٸپ, بٸلٸم بەرۋ ٷدەرٸسٸنە وتاندىق ات-شەشٸمدەرٸن كەدەرگٸسٸز ەنگٸزۋ ماقساتىندا جاعداي جاساۋ – نەگٸزگٸ مٸندەتتەردٸڭ بٸرٸ. وسى تۇرعىدا اسحات قاناتۇلى مەنەن تسيفرلىق شەشٸمدەردٸ توپتاستىرۋدى سۇرادى. مەن ٶز كەزەگٸمدە, ات كومپانييالارىن ۇسىنىستارىمەن بٸزبەن بەلسەندٸ تٷردە جۇمىس جاساۋعا شاقىرامىن», - دەدٸ مينيستر.
ات بويىنشا كەسٸبي ستاندارتتاردى ٶزەكتەندٸرۋ جەنە بٸلٸم بەرۋ باعدارلامالارىنىڭ تٸزٸمٸن قايتا قاراۋ تۋرالى شەشٸم قابىلداندى. ولار نارىق تالاپتارىنا ساي بولۋى تيٸس.
«بٷكٸل سالانىڭ تاعدىرى ات كادرلارىن دايارلاۋ ساپاسىنا بايلانىستى ەكەنٸن اتاپ ٶتكٸم كەلەدٸ. مۇنايسىز بەنزين الا المايمىز, سول سەكٸلدٸ ساپالى بٸلٸمسٸز بٸلٸكتٸ ماماندار دا بولمايدى», - دەپ ٶتتٸ ۆەدومستۆو باسشىسى.
«ەكٸنشٸدەن, ات-ماماندارى ٷشٸن سەرتيفيكاتتاۋ ورتالىقتارىن اشۋ تۋرالى شەشٸم قابىلداندى. شەتەلدٸك بالامالاردان بٸرنەشە ەسە ارزان ساپالى ورتالىقتار جوو تٷلەكتەرٸن تەكسەرٸپ وتىرادى. قانداي جوعارى وقۋ ورىندارىنىڭ نارىققا بٸلٸكتٸ مامانداردى ۇسىنۋعا دايىن ەكەندٸگٸن انىقتاۋ قاجەت. سونىمەن قاتار ستۋدەنتتەردٸ نەمقۇرايلى وقىتاتىنداردان ليتسەنزييا الۋدى قاراستىرامىز, ٶيتكەنٸ وقۋ ورىندارىنىڭ مۇنداي ەرەكەتٸنە جول بەرٸلمەۋ كەرەك. تٷلەكتەر سۇرانىسقا يە جەنە بەسەكەگە قابٸلەتتٸ بولۋى تيٸس. تٷپكٸ نەتيجە – نارىققا ساپالى ات-مامانداردى «دايارلاۋ», - دەپ قوستى باعدات مۋسين.
ٷشٸنشٸدەن, 2022 جىلدان باستاپ ات ماماندىقتارىنا تٷسەتٸن تٷلەكتەر فيزيكانىڭ ورنىنا ينفورماتيكا تاپسىراتىن بولادى.
«تٶرتٸنشٸدەن, قاشىقتان بٸلٸم بەرۋ مەسەلەسٸن تالقىلادىق. بٸزدٸڭ پلاتفورمالار ٸندەت كەزٸندە كٶمەكشٸ بولدى. بٸراق بٸز بٸلٸم بەرۋدٸ دەربەستەۋگە ەكەلەتٸن كەلەسٸ قادامدار تۋرالى كەلٸستٸك. مٸندەتتٸ تٷردە مۇعالٸمدٸ ەمەس, وقۋشىنى جٷيەمەن باسقارۋ الگوريتمدەرٸ قولدانىلۋى تيٸس. جٷيەنٸڭ ٶزٸ مۇعالٸمگە دە, وقۋشىعا دا بٸلٸمدٸ قاي باعىتتا كٷشەيتۋ كەرەكتٸگٸن جەنە نەگە باسا نازار اۋدارۋ كەرەكتٸگٸن ايتادى. قاراپايىم سٶزبەن ايتقاندا: ەگەر سٸز بٶلشەكتەردٸ يگەرمەگەن بولساڭىز, لوگاريفمدەردٸ قالاي ٷيرەنەسٸز? جٷيە وقۋشىنى جەتەلەپ, مۇعالٸمدٸ حاباردار ەتۋٸ تيٸس. بۇل مۇعالٸمدەردٸڭ جۇمىسىن اۆتوماتتاندىرادى, ولارعا تەلٸمگەرلٸك ەتۋگە ۋاقىت بٶلەدٸ», - دەپ تٷسٸندٸردٸ مينيستر.
بەسٸنشٸدەن, جىل سايىن ات ماماندارىن دايارلايتىن بارلىق 84 جوو-عا تالداۋ جٷرگٸزٸلەدٸ. مۇنداي تالداۋ قر بعم-عا قاجەت بولعان جاعدايدا تيٸستٸ تەكسەرۋ جٷرگٸزۋگە مٷمكٸندٸك بەرەدٸ.
«التىنشىدان, قر بعم قازاقستاننىڭ جەتەكشٸ كومپانييالارىنا قامقورلىق ەتە الاتىن 5-10 جوعارى وقۋ ورنىنان ات فاكۋلتەتتەردٸ بەلگٸلەيدٸ. كومپانييالاردىڭ دا جوو بٸلٸم بەرۋ ٷدەرٸسٸنە تٸكەلەي قاتىسۋى, ولاردىڭ ساياساتىن ايقىنداۋى جەنە بٸلٸم بەرۋ باعدارلاماسى مەن تاعىلىمدامالارىنا كٶمەكتەسۋٸ ماڭىزدى. قارجىلىق قولداۋ دا جوققا شىعارىلمايدى. ات سالاسىندا پراكتيكالىق بٸلٸم مەن تەلٸمگەرلٸك ماڭىزدى», - دەدٸ باعدات مۋسين.
