Biyl qańtar-shilde ailarynda aýyl sharýashylyǵynyń negizgi kapitalyna salynǵan investitsiialar kólemi 45,5%-ǵa ulǵaidy. Bul týraly Úkimet otyrysynda Aýyl sharýashylyǵy ministriniń mindetin atqarýshy Erbol Qarashókeev aitty, dep habarlaidy "Ult aqparat".
«Barlyq túrdegi mal men qus sanynyń ósýi baiqaldy. Máselen, iri qara mal basy 4,8%-ǵa artyp, 9 mln basty qurasa, qoi men eshki 2,5%-ǵa (24,1 mln bas), jylqy 9,4%-ǵa (3,5 mln bas), qus 7,1%-ǵa (49,7 mln bas) artty. Sondai-aq, et óndirý kólemi tiridei salmaqta 5,4%-ǵa (1 081,2 myń tonna), sút óndirý kólemi 3,3%-ǵa (3 777,9 myń tonna) ósti», - dedi Qarashókeev
Onyń aitýynsha, kórsetilgen kezeńde tamaq ónimderin óndirý kólemi 3,9%-ǵa ósip, 1 trln 228,4 mlrd teńgeni qurady.
Bul rette qant óndirý kóleminiń 3,1 esege, óńdelgen kúrishtiń 27,3%-ǵa, jarmanyń 18%-ǵa, sary maidyń 17,3%-ǵa, , ósimdik maiynyń jáne unnyń 2,4%-ǵa, irimshik pen súzbeniń 2%-ǵa, óńdelgen súttiń 1,4%-ǵa artqany baiqaldy.
«Aǵymdaǵy jyldyń qańtar-shilde ailarynda aýyl sharýashylyǵynyń negizgi kapitalyna salynǵan investitsiialar kólemi 45,5%-ǵa ulǵaiyp, 386,1 mlrd teńgeni, tamaq ónimderi óndirisine salynǵan investitsiialar 5,9%-ǵa artyp, 49,2 mlrd teńgeni qurady», - dedi ol.
