Memleket basshysynyń Investitsiialardy basqarý júiesin reformalaý jónindegi tapsyrmasyn oryndaý maqsatynda áleýetti investorlarmen jumys isteý jónindegi arnaiy top – Task Force quryldy.
Bul týraly "Ult aqparat" QR Syrtqy ister ministrliginiń resmi saityna silteme jasap habarlaidy.
Task Force qurý týraly birlesken buiryqqa búgin QR Premer-Ministriniń orynbasary – Syrtqy ister ministri Muhtar Tileýberdi men «Astana» Halyqaralyq qarjy ortalyǵynyń basqarýshysy Qairat Kelimbetov qol qoidy.
Task Force - bul Investitsiialyq shtabtyń jumysyn uiymdastyrýǵa jáne Investitsiialyq shtabtyń kún tártibin qalyptastyrýǵa jaýapty arnaiy kelissózder júrgizetin top. Ol jobalardy ázirleý, qurylymdaý protsesinen bastap investitsiialyq jobany iske asyrý bastalǵanǵa deiin tolassyz súiemeldeýdi qamtamasyz etetin bolady.
Búgingi tańda komandanyń alǵashqy quramy qalyptastyryldy, oǵan KAZAKH INVEST jáne AHQO qyzmetkerleri turaqty músheler retinde kirdi. Task Force jumysyna OMO, JAO, qarjy institýttary, kvazimemlekettik sektor men «Atameken» UKP qyzmetkerleri, sondai-aq Qazaqstannyń sheteldegi elshilikteriniń ókilderi tartylatyn bolady.
Investorlarmen pysyqtalatyn naqty jobalar Investitsiialyq shtabtyń qaraýyna shyǵarylatyn bolady. Shtabtyń mindeti - investor úshin erekshe jaǵdailardy qamtamasyz etý boiynsha basqarýshylyq sheshim qabyldaý.
Investorlarmen pysyqtalyp jatqan naqty jobalar QR Premer-Ministriniń tóraǵalyǵymen Investitsiialyq shtabtyń qaraýyna shyǵarylatyn bolady.
Investshtabtyń mindeti - investor úshin erekshe jaǵdailardy qamtamasyz etý boiynsha jáne aǵymdaǵy jyldyń 16 qańtarynda kúshine engen (2020 jylǵy 2 jeltoqsanda qol qoiylǵan) «Ekonomikalyq ósýdi qalpyna keltirý týraly zań» sheńberinde strategiialyq investitsiialyq kelisimge qol qoiý boiynsha basqarýshylyq sheshim qabyldaý.
