Bas prokýratýra internet pen áleýmettik jelilerdi buǵattaýǵa qatysty túsinikteme berdi, dep habarlaidy Sputnik Qazaqstan tilshisi.
Úkimettiń 2018 jylǵy 28 qazan kúni shyǵarǵan qaýlysy boiynsha internetti áleýmettik, tabiǵi jáne tehnogendik tótenshe jaǵdailar kezinde buǵattaýǵa bolady. Ondai quziret tórt memlekettik organ – bas prokýratýra, ulttyq qaýipsizdik komiteti, ishki ister ministrligi jáne qorǵanys ministrligine berilgen.
Bas prokýratýranyń ókili Saparbek Nurpeiisov ondai qaýlynyń bar ekenin jáne internetti buǵattaý quziretiniń atalǵan tórt ministrlikke berilgenin rastady. Onyń aitýynsha, osy kúnderi Bas prokýratýra tarapynan áleýmettik jeliler men internet buǵattalmaǵan.
"Iá, ondai qaýly bar. Onda tórt memlekettik organǵa tiisti ókilettikter berilgen. Árine, bas prokýratýra aldymen quziretti organǵa júginedi. Biraq bizdiń tarapymyzdan ondai ótinish jasalǵan joq", - dedi qoǵamdyq múddelerdi qorǵaý qyzmetiniń basshysy Nurpeiisov arnaiy baspasóz máslihatynda.
Aita ketsek, 11 maýsymnan bastap Qazaqstanda jeli qoldanýshylary áleýmettik jeliler men WhatsApp, Telegram siiaqty messendjerleriniń buǵattalǵanyna shaǵymdandy.
