2020 jylǵy qańtar-tamyz ailarynda Qazaqstanda infliatsiia 4,6% qurady, dep habarlaidy "Ult aqparat" QR Ulttyq ekonomika ministrligi Statistika komitetine silteme jasap.
Biylǵy segiz aida azyq-túlik baǵasy – 7,3%, azyq-túlik emes taýarlaryna – 3,4%, aqyly qyzmetterge 2% qymbattady.
Atap aitqanda, baǵa kóterildi: jarmalarǵa – 21,5%, kartopqa – 21%, jemisterge – 18,4%, qoi etine – 12,9%, qumshekerge – 12,3%, unǵa – 12,1%, makaron ónimderine – 10,7%, sary maiǵa – 9,9%, máiekti irimshikke – 9,3%, jylqy etine – 9,1%, siyr etine – 8,1%, shaiǵa – 7,8%, muzdatylǵan balyqqa – 7,3%, shujyq ónimderine, shoshqa etine – 6,6%-dan, toqash jáne unnan daiyndalǵan ónimderge – 5,8%, pasterlengen sútke – 5,2%, nanǵa – 4,5%, súzbege 3,4%.
Temeki ónimderi – 10,8%, mineraldy jáne aýyzsý – 8,9%, salqyndatylǵan sýsyndar – 6,5%, alkogoldi sýsyndar 6% qymbattady.
Budan bólek, baǵa dári-dármekke – 7,5%, jýǵysh jáne tazalaǵysh quraldarǵa – 7,1%, turmystyq aspaptarǵa – 5%, qurylys materialdaryna – 4,9%, avtomobilderge – 4,7%, noýtbýkterge – 3,3%, keńse taýarlaryna 3,2% joǵarylady. Benzin 2,6% qymbattady.
Sondai-aq baǵa jerleý qyzmetterine 5,7% artqan. Densaýlyq saqtaý qyzmetterine –4,3%, shashtarazdar men sulýlyq salondar qyzmetterine – 3,8%, qoǵamdyq tamaqtandyrý qyzmetterine 2,5% ósti.
Internet jelisine qosylý úshin abonenttik tólem 2,2% joǵarylady. Qalalyq kólikpen (taksi) jol júrý aqysy – 6%, poiyz biletteri – 4,4% qymbattady.
Qoqys shyǵarý baǵasy – 11,1%, elektr energiiasyna 3,5% artty.
Baǵanyń tómendeýi jumyrtqaǵa – 6,1%, jańa jinalǵan kókónisterge – 4,6%, sókke – 2,4%, kúrishke 2% tirkeldi. Aviabiletter –6,2%, dizel otyny 3,2%, ystyq sýǵa tarifter– 5,5%, ortalyqtan jylytýǵa – 3,4%, kárizge – 3,1%, sýyq sýǵa 2,2% arzandady.
